「雪 Seh」芥川龍之介短篇小說（全文）＠Tong-îng 的台語人生記錄

2024-08-06 11:25:51| 人氣10| 回應0 | 上一篇 | 下一篇

「雪 Seh」芥川龍之介短篇小說（全文）

芥川龍之介「雪 Seh」（全文）

一个冬天烏陰的下晡，我佇中央線火車的窗仔邊遠看規爿的山脈。山脈當然是白鑠鑠，猶毋過，彼講是雪的色水，應該講是較倚山脈皮膚的色水。我看著這款的山脈，雄雄想著一層小事件。——

已經過了四五年矣，仝款是一个冬天烏陰的下晡，我佇一个朋友的工作室，——佇舊漚的生仔(senn-á)烘火爐頭前，佮伊和一位môo-te-luh（Model）咧講話。工作室除了掛伊家己的油畫以外就無其他的妝挺物。短頭鬃的môo-te-luh咧欶捲薰，——這个查某人有混血兒（hūn-hiat-jî）款的媠。不而過，毋知按怎想的，天生自然的目睫毛是挽甲無半支。----

話題就毋知當時徙到彼時的大寒天氣。伊講欲按怎才會當感覺著庭園的塗的季節。內底有講著欲按怎才會當感覺著庭園的塗是冬天。

「意思就是講塗嘛有咧活，是無？」

伊那共薰草櫼入薰吹，那掠阮的面金金相。我無回答，干焦咧𠯗（tsi̍p）我的無芳味的咖啡。毋過，彼个短頭鬃的môo-te-luh敢若有感受著彼句話，查某人共紅記記目箍的面攑起來，吐出來的薰煙箍仔拄好洩入去伊目睭。紲落來，仝款是看對半空中，無向著啥人講出按呢的話：

「彼佮皮膚仝款啊！我自做這款工課以來，就共皮膚拂甲粗迸迸（tshoo- piang-piàng）矣。——」

一个冬天烏陰的下晡，我佇中央線火車的窗仔邊遠看規爿的山脈。山脈當然是白鑠鑠，猶毋過，彼講是雪的色水，應該講是較倚人粗迸迸皮膚的色水。我看著這款的山脈，雄雄想著彼个môo-te-luh，彼个目睫毛一支就無、有混血兒款的日本查某囡仔。（了）

「雪ゆき」原著芥川龍之介一九二五（大正十四）年四月的作品。

台文翻譯 Lîm Tong-îng （240806Tong-îng）

我要檢舉

台長： Tong-îng Lîm

人氣(10) | 回應(0)| 推薦 (0)| 收藏 (0)| 轉寄
全站分類: 教育學習(進修、留學、學術研究、教育概況)

回應(0)

Tong-îng 的台語人生記錄 人生一步一步的跤跡，用阿母的話一字一字寫落來！台灣人寫台灣字，天公地道。 0愛的鼓勵 0訂閱站台

「雪 Seh」芥川龍之介短篇小說 （全文）

Tong-îng 的台語人生記錄人生一步一步的跤跡，用阿母的話一字一字寫落來！台灣人寫台灣字，天公地道。
0愛的鼓勵 0訂閱站台

「雪 Seh」芥川龍之介短篇小說（全文）