24h購物| | PChome| 登入
2025-01-24 11:47:15| 人氣5| 回應0 | 上一篇 | 下一篇
推薦 0 收藏 0 轉貼0 訂閱站台

芥川龍之介短篇小說「仙sian」台文版刊載佇《台文戰線》

芥川龍之介短篇小說「仙sian」台文版，

刊載佇《台文戰線》第77期，2025年1月 。
「仙sian」 是芥川所寫的4篇「仙人」的第一篇，是1915年發表，針對中學生，高中生寫的。毋過，大人來看應該閣較有感覺。
故事大概是按呢：清國（支那）有一位叫做李小二，一个城市行過一个城市，佇露天用鳥鼠做表演來趁錢的藝人。錢歹趁過著誠困苦的生活。
有一工落大雨李小二走入去一間廟覕雨。廟內早就有一位老大人佇遐覕雨。李小二出聲佮老大人講話。伊看著穿一軀全油垢的道服、頭殼是鳥仔就想欲做岫，垃儳的老大人，煞起一種優越感、看袂起這位老大人。共伊困苦的生活，閣較膨風講予老大人聽。 猶毋過，老大人是共李小二對伊的同情心看迵過，顛倒講會當幫助李小二的困苦生活，就用仙術變錢來予李小二。
芥川是描寫的高手，這篇「仙sian」嘛是仝款，特別是李小二佇廟裡拄著仙的彼段，請逐家來吟味看覓。
日本一位讀者的感想，提出來佮逐家分享：
李小二生活困苦，而且年歲有矣身體愈來愈䆀，將來的日子會愈困苦是看現現。毋過拄著看起來生活比家己較䆀的老大人煞起優越感。
曷老大人嘛是仝款，變做仙脫離人的苦楚生活，煞來懷念人的生活，就閣來過散赤的生活。
散赤人看著比伊較散赤的人攏會感覺家己猶算幸福的。毋捌受過苦的人特別去受苦來感覺幸福。
文的結尾是按呢：
【這是李小二問仙汰會來做乞食？得著的回答：
「人生是苦的，該當追求快樂。人有死，才知生。死苦攏脫離就會無聊。仙人不如凡人。」
應該就是仙人懷念凡人的生活，特別來走揣痛苦的代誌。 】
（250119Tong-îng）

我要檢舉
台長： Tong-îng Lîm
人氣(5) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文