24h購物| | PChome| 登入
2024-12-06 12:55:09| 人氣18| 回應0 | 上一篇 | 下一篇
推薦 0 收藏 0 轉貼0 訂閱站台

人客的服務無簡單 01

人客的服務無簡單 01

咱攏會到超商、店頭買物件、交關。見擺看著店頭第一線員工的服務，攏真感心，感覺𪜶是萬能的。著應付千千萬萬無仝款的人客，有客氣的，有頂真的，歹脾氣的，急性的，嘛有號做「漚」州來的。毋管是面對啥款的人客，攏著維持應該有的服務水準！這敢毋是世界上難的工課？
第一線面對人客的員工，服務有小可仔失覺察，恐驚就會失去一个人客。欲按怎予第一線的員工繼續維持服務水準，一直是經營者上重要、閣是上困難的代誌。員工嘛是肉做的，總是有心情的起落。
第一線面對人客的員工，咱用超商店員來做例。以店員的立場，一工予一位人客無滿意，用伊一工服務的人客總數準1000位來算，就是1/1000的失誤率抑是講不良率，應該是誠低、誠低矣。毋過，以人客的角度來看，店員對伊的服務無滿意，就是100%的無滿意。所以講服務是超難的代誌，每時每刻攏著注意，一分一秒攏袂當放鬆。經營者就費盡方法，看欲按怎提升服務的滿意度。
會記得少年的時、看著一份美國的「服務守則」：
第一條 人客永遠是著的。
第二條 人客若有毋著，遵照第一條。
（241203Tong-îng）

我要檢舉
台長： Tong-îng Lîm
人氣(18) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文