孫の手「孫仔的手」抓耙仔(jiàu-pê-á)＠Tong-îng 的台語人生記錄

2023-06-06 16:42:11| 人氣29| 回應0 | 上一篇 | 下一篇

孫の手「孫仔的手」抓耙仔(jiàu-pê-á)

孫の手

孫の手(まごのて mago no te)這个日語的詞。
直翻就是「孫仔的手」，逐家應該是知影伊个意思honnh！ 就是
抓耙仔(jiàu-pê-á)啦。

較早頭擺看著這个的詞，對創造這个詞的人是足欽佩的。
阿公阿媽年紀大，跤手就會較硬，跤脊骿若是會癢，家己的手是抓袂著，叫邊仔的孫仔共扒癢隨就解決矣。日本人就共抓耙仔叫做孫の手，實在是有夠gâu。
彼个時陣我是去到佗位，見若看著「孫仔的手」就買，有一站仔厝裡「孫仔的手」是規厝間。較早嘛有買轉去予爸母用，看𪜶攏是囥佇明顯的所在，攏是真捷用。

毋過，抓耙仔這个詞猶有另外一个意思-----是密告者的意思。看著這个詞就會予我想起較早的年代-----抓耙仔是規街路滿滿是的年代，是足討厭用這个詞。
阮兜是用「孫仔的手」這个詞。-----若是活躘躘的孫仔有佇邊仔，當然就會差(tshe) 伊彼个溫暖的手來抓癢的。

咱遮个少年朋友，就趕緊買一支「孫仔的手」轉去予健在的爸母，無一定𪜶是期待真久矣喔!

（230503Tong-îng）

我要檢舉

台長： Tong-îng Lîm

人氣(29) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

回應(0)

Tong-îng 的台語人生記錄 人生一步一步的跤跡，用阿母的話一字一字寫落來！台灣人寫台灣字，天公地道。 0愛的鼓勵 0訂閱站台

孫の手 「孫仔的手」抓耙仔(jiàu-pê-á)

Tong-îng 的台語人生記錄人生一步一步的跤跡，用阿母的話一字一字寫落來！台灣人寫台灣字，天公地道。
0愛的鼓勵 0訂閱站台

孫の手「孫仔的手」抓耙仔(jiàu-pê-á)