◎台語宣言

　　　　　　　　　　　　　　　　　　　⊕潘文良

　　㐾所使用的語言名稱，號做〈台語〉！
　　雖然，台語源於閩南語，乃至古漢語，但近百年來，台語呰個名稱，㐾已經用了誠慣勢（也是台灣社會上，普遍的認知），請尊重㐾對家己語言的稱名！
　　華語「番茄」，南部人，稱之〈柑仔蜜〉；北部人，稱之〈臭柿仔〉——
共款的物件，會當有無共款的稱呼。
　　著算是「番茄」，因為品種無𫝛，也著會有無𫝛的名稱‥聖女番茄、聖運番茄、聖蜜番茄、驕女番茄、串珠番茄、慧珠番茄、黑葉番茄……（「番茄」是此類植物的「通稱」，而「聖女、聖運、聖蜜……」是「別稱」。　無｛相／同｝‥不相同。）
　　福建簡稱閩，閩人所用的語言，通稱號做閩語；閩語系，又多有分支，別稱‥閩北語、閩東語、閩中語、閩南語、莆仙語、邵將語、瓊雷話。
　　台語，是閩南語的分支，因為閩南人，渡海來台灣，落地生根、生湠，所講的閩南語，也隨著時空的變遷，而產生一括變化，所以另起別稱，號做「台灣閩南語」，或稱〈台灣話〉，簡稱〈台語〉。
　　　　　　　　　　　　　　　　　　　　2017.04.07.五　09:15:26
■後記
　　先自我介紹一下‥
「我姓潘名文良，自細漢，著叫〈阿文〉，而非〈阿良〉。
　當然，你會當叫我〈阿良〉！
　不過‥我若是無回應，請呣𢓶見怪！
　因為‥我會以為，你是咧叫別人，所以無回應。
　是故，以後請叫我〈阿文〉著好！
　對我來講，抑是〈阿文〉，聽著較慣勢。」
　
　　㐾所使用的語言名稱，號做〈台語〉，全稱〈台灣閩南語〉，另稱〈台灣語（話）〉、略稱〈台語〉——除此之外，別人要安怎稱名‥福佬話、河佬話、河洛話、鶴佬話、福建話、福建語……攏隨在恁，恁歡喜著好！只是‥逐家若會當尊重，㐾的稱名，㐾抑是聽著較慣勢。
　　有一括人，受著政治思想的影響，懷著瞋恨心，三不五時，著「恨心說狠話」，講一括昧於事實、悖於良知的話，使人惱氣、製造紛爭，聽著實在令人痛心！
　　要講建言，嘛講一括較合情理道義的話，別人嘛則較有法度理解、較有法度接受！
　
　　有人講‥「台語著台語、台灣語（話）著台灣語（話），加兩字『閩南』，有啥麼意義？看著真礙目！」
　　講一個小故事‥
　　阿母問阿弟仔講‥「你哪會將囥糖的罐仔，貼一張寫『這是鹽』的標籤？」
　　阿弟仔講‥「噓……較細聲咧！呣𢓶予蚼蟻聽著！我是咧騙蚼蟻，按爾伊則會以為‥這是鹽，呣是糖！」
　　阿母聽一下笑咳咳，講‥「你嘛好啊！蚼蟻呣𧧸字，看無你寫啥！而且，蚼蟻是好鼻師，鼻味嘛知，罐仔內底，貯的是糖，呣是鹽。」
　
　　糖，有砂糖（蔗糖）、烏糖、白糖、冰糖、冬瓜糖、楓糖、果糖……因為製作的原料、方式無𫝛，而有無𫝛的別稱，甚至因為產地、製作廠無𫝛，而有無𫝛「品牌名」的糖；但「糖」是通稱，明明著是糖，著算你嫌「糖」無好聽，看「糖」𣍐順眼，而改稱、改寫做「鹽」，終究也只是「自欺欺人」而已！
　
　　所謂「台語不是閩南語」，著親像春秋時代，公孫龍所提出的「白馬非馬論」。
　　一開始，立論便錯誤——故意誤導、混淆視聽。
　　白馬若非馬，那白馬是啥？白馬是牛哩？
　　若「白馬非馬」，可以成立，如是，豈不能言‥「公馬非馬、母馬非馬；小馬非馬、大馬非馬；活馬非馬、死馬非馬」？
　　事實上，只會當講‥「白馬非烏馬、非赤馬」（抑是講「白非馬、馬非白」），而不當講「白馬非馬」。
　　「馬」是通稱，「白馬」乃因馬是白色，而有白馬（白色的馬）之別稱——
白馬是馬、烏馬是馬、赤馬是馬，但白色，異於烏色、異於赤色——
共款攏是馬，色無共而已！
　　如是「台語不是閩南語」，立論也是錯誤的！（昧於事實故。）
　　「閩南語」者，乃「閩南語系」之通稱；「台語」（台灣閩南語）者，乃別稱也；台灣閩南語，雖有別於福建閩南語，但抑是閩南語的一種。
　　台語嘛有「南部腔、北部腔」（漳州腔、泉州腔）之別，敢會使講‥「『北部腔，不是台語』——㐾講的是『台北語』？」　如是「台語」，為台語各腔口之通稱，只會當講‥「北部腔的台語，有異於南部腔的台語。」而不當講‥「北部腔，不是台語。」
　　台語人，若翻開祖譜，相信大多數，祖公攏是來自福建漳州、泉州。
　　無父母，哪有㑑？無公嬤，哪有父母？無阿祖、祖嬤，哪有阿公、阿嬤？
如是無過去的祖先，哪有今日的㑑？
　　雖然，臍帶鉸斷，著是獨立的個體，但血緣關係，永遠嘛無法度消滅——
你的姓，是祖先所傳落來的，著算講，你去改了一個「洋姓、日本姓」，然後講‥你呣是某某的後代囝孫，也只不過是「自欺欺人」而已！
　　台語者，傳承了閩南語，乃至傳承了古漢語——
台語，若是去除閩南語的字詞，乃至去除古漢語的字詞，請問‥抑賰若濟，是「純正」的台語字詞？
　　著算「廢除漢字」，將「台語文」，全面「羅馬字化」——讀音嘛是源於閩南語、古漢語——脫得了關係嗎？
　　㑑日日享用祖先的遺澤（遺產），豈能無感恩之心？如何「得了便宜又賣乖」？
　　囝孫繼承了父母、祖先的遺產，著棄嫌父母、祖先，「翻面不認人」，實在是背於人倫情理也！
　　
◇維基百科。閩語、臺灣話
　https://zh.wikipedia.org/wiki/闽语
　https://zh.wikipedia.org/zh-tw/臺灣話
~~~~~~~~~~~~~~~~~~~~~~~~~~~~~~
※本文發表於新聞台。2017.04.07.五　09:18:02
◎潘文良《台語宣言》
　http://mypaper.pchome.com.tw/avun01/post/1370663914
※本文舖於「臺語學院」。2017.04.07.五　09:26:00
　https://www.facebook.com/groups/978821105480673/permalink/1661521933877250/
※本文轉貼於「台語生活社」。2017.04.07.五　09:27:00
　https://www.facebook.com/groups/1524327644503170/permalink/1909387745997156/
■標籤：台語、台灣話、台灣閩南語、閩語、古漢語、通稱、別稱