車天車地 一個有好多回憶既地方!!!

106愛的鼓勵 0訂閱站台

13-9-08(日)6:15先起身，梳洗完，打扮埋，叫阿媽幫我著Girdle，阿媽話今次著得冇上次咁緊，其實我都覺，我諗今次減得比上著果時更瘦一點。

7:15先出門口。先坐17號巴士去觀塘，然後轉小巴去Mandy康雅苑o既屋企。

8:05已經去到佢屋企樓下，先去搵浩堅，諗住買佢攞雯雯o既掮紗，但浩堅話一陣雯雯會親自俾我。跟住我就上去佢屋企了。

上到去時就見到黎香凝已經到左，其後鵬嫂、Vicky、雯雯、Phoebe也到，D兄弟9:00左右上到來，早之佢地9:00先上來，我不用咁早上來，那麼我也可以瞓晏D吧!

兄弟俾開門利是時，分左超多封o黎唔俾，重有一封係金句卡(呢封我地都估到實有)，兄弟派Heath上陣，而我就負責收利是，最搞笑佢地話有長輩(出阿鵬)，我地舊有lor(搵番鵬嫂o黎大佢)。

開完門後就食雪條，最搞笑係有廿四味雪條，跟住就玩問題遊戲同化妝，眾兄弟要互選一個人出來玩，結果係阿牛做modle被姊妹化妝(查實係Phoebe做馬，本身應該係浩堅當人選d，不過阿牛受災)

阿牛化妝後，就要著patpat褲，扭patpat，讓新郎哥見到patpat上d字，然後把字讀出。

接完新娘後，就敬茶俾父母，親朋戚友。然後坐車去男家，車程中都瞓左陣，因為琴晚夜訓已唔夠瞓。

到男家企左陣後，就落樓下食飯，然後12:30回教會佈置。

由於金色絲帶用曬，好彩有文東幫我手出去賣，同埋其他弟兄姊妹幫手佈置，好快手咁就佈置好禮堂，等文東買左D絲返o黎後，就同埋佢和寶文三個拿拿林黏埋佢，咁就完成曬禮堂、樓梯d怖置了!

第一次坐係詩班席，因為提團(提摩太團契)為左佢地o既婚禮而練歌獻唱。坐係詩班席可以近距離見到一對新人講誓詞、簽婚書，正呀!

完成左行禮後，到影相時，最搞笑係話影新娘華英中學同學和老師合照時，我、師妹、Heath同埋成班但團(但以理團契)弟弟姊妹等都一齊行過去影，雖然我地唔係同Mandy同一屆，但全部人都一齊行過去影相，變成左華英中學校友相。証明華英中學o既學生都好鐘意影相。

到拆佈置時，好彩都有Edmund、家媛等弟兄姊妹幫手，如果唔後有排拆。之後我地成班弟兄姊妹分的士同巴士去酒樓。

係酒樓都冇乜野做時，我地班弟兄姊妹就去左Bburger King到食野，我食左個雪糕批，但都係一般。跟住再返上酒樓，去左Reception幫手點名，安排座位，好彩有Mandy二哥坐隔o黎，一齊吹下水，唔怕悶。

入席後，8點幾，二哥話可以收野了，當佢收曬野後，同工先來到，我要去搵佢攞番本簽名簿，後來發覺本簽名簿頭兩版太吉，所以我同萍姐係上面到寫下d祝福語同今年團歌，填滿佢，等本簿好睇d。

飲完，去新娘房幫手執下野，執到11點幾就走了，跟住Health走話坐的士車埋我，係新港門口見到雯雯、Phoebe，於是一齊坐埋的士走。

12點幾返到屋企了，沖埋涼洗埋頭，2點瞓lu!