車天車地 一個有好多回憶既地方!!!

106愛的鼓勵 0訂閱站台

7-5-10(五)放工同阿何、阿蘇、阿Lo一齊食意粉屋，跟住返學了，上一課議題真的好累，但學到野係值得的，今日講越早學英文是否最好，語言一種工具來學知識，小朋友學好母語再學外語，會好d，學外語也要用有效的方法來學，讓他們在有興趣，沒有壓力的環境下學習，會更好!

    放學時，同另一個同學一齊坐18號回家，佢話我識打倉頡好叻，因佢只識打九方，我話用咩打字的方法都係一種工具，最緊要係打到個字啫，佢讚我叻，可以將頭先學到的野即刻應用，hahaha!thx!

 

8-5-10(六)得我、阿Lo同阿周返工，我同阿周睇曬，好彩只返4個鐘，所以時間都好快過，放1:00，出太子同瑩瑩食日本野，跟住1:30做FACIAL，然後行電腦中心，佢要買HARD DISC，我就順便買個I PHONE保護貼，因今朝成塊了下來後，就勁起泡，超核突，今次雖然買呢埋係128，但有半年保養，半年後即使冇花都可以換，咁OK WOR!有保養就貴D都買啦!

 

 跟住上教協係行超巿，同埋包埋份旅遊保險(79.5保6日去上海)，跟住坐6A出尖沙咀，佷久沒有坐一架巴士冇冷氣了，座位窄左、車身舊左、燈光暗左、但價錢平左！希望佢唔會好快咁成為大家的集體回憶就好了！

 

    因為阿清屋企整水喉，所以食飯已經由6:00改為6:30，但可惜6:30佢仍未來，我同Joyce係到等，Joyce可能因為累啦!冇乜出聲，呢d咁o既時勢，我也不出聲了，免得當秧，到阿清來時say sorry後，大家又再有傾有講。明天母親節，今日特別多人食飯，飯後由海防道行去小巴站坐車回家。

 

    實在太累了，11:30睇完電影「富貴吉祥」就睡了。

 

9-5-10(日)10:30起身了，千辛萬苦係阿媽睇緊o既節目到成功轉去無視o既「聖鬥士星矢」，差不多1:00同阿媽坐免費車落黃埔，跟住行去祥榮食飯，那時都已幾點3，我提議不如等到下午茶時去阿德廚房食，我地行左陣百佳，奇趣天地先再去阿廚廚房，叫左杯茶走同一個星州炒米都只不過23蚊，抵!一杯合口味的「茶走」，美味得使人感動！

  

  跟住出左太子同焯賢、Dranell、Kelvin、Agnes、小保玩board game!由3點幾玩到12點機都係100蚊，更任飲紙包飲品，這都ok la!(新入會平25蚊呢!)走時下大雨，唯有行落地鐵站過jolly thinker個邊，坐的士回家，個司機好好人又擔心我會冧雨，已停係我最快入到避雨地方的斜路同叫我唔駛閂門。