車天車地 一個有好多回憶既地方!!!

106愛的鼓勵 0訂閱站台

17-2-07(六)今晚要坐飛機去法國了，下午時諗著轉下個行理箱果鎖個密碼，我印象中係要用牙籤或萬字夾「吉」入個窿到，然後轉密碼的，唔搞游至可，一搞就中招了，就係唔知轉左個乜密碼後，就自動set左新密碼，那我在可能轉過的幾數目字中係到試，但都試唔到，那我只好最多用999次去撞番開佢。但我竟然撞番999次都開唔到，大穫，唔通個鎖壞左，唔製呀我幾鐘意呢個行理箱，一來佢係啡色夠特別，二來佢可以360度咁轉，同埋每次攞呢個行理箱出來用，我都勁開心，因代表我有得去旅行，而爛左就真係oh my god，好彩既係我冇係銷住曬d行理時黎轉碼密，at least 我d行理重可以攞得番出黎，但個鎖爛了，就令我個行理箱不再完美了。但我抱著打不死既精神繼續試，不斷chop 個鎖，竟然係一個數目字與數目字間的空位chop番開個鎖，感謝主!
但我又死唔甘心咁繼續試多次轉密碼，結果咪又衰多穫，重蹈覆轍…後來我又要係數目字與數目字間的空位chop番開個鎖，今次終於放棄轉碼密了，因時間無多，再整壞個鎖，就真係冇時間去開番了。由於今次係遠行，我都另我用多一個鎖仔黎鎖住個行理箱。
6:45左右爸爸架的士黎到接我了，其實要將vicky個行理箱攞番去深井還俾佢，所以我阿媽都幫我手拿行理箱上的士，我行停車場出商場，去到商場時醒起自己忘記帶拖鞋，算la!都係唔返屋企攞，就等我去到dubai轉機時先買啦!
的士起行第一站係去佐敦搵Mandy，因佢幫我同Shauna「暢」了d歐羅既100蚊散紙(以防小村莊冇咁大面客既銀紙找續)，去到佐敦時，等了一陣，就見到偉仔跑到身上身汗攞d錢俾我，真係辛苦你。
第二站係入深井還行理箱俾Vicky，Vicky住既屋苑個view真係一流，背山面海。我理想既屋都係咁架，最好就望到埋維港景色la，係唔係有d妙想天開呢?不過都係個句啦「只要有夢想，凡事可成真!」可能因為雙魚座既人勁鐘意諗野，幻想好多美的既事，所以我既幻想世界應比真實來得豐富、滿足和幸福。
等到Vicky攞完行理箱臨走時，給了我一個擁抱，真係勁有外國人feel，係外國返黎係唔同d，當年淚詩韻去了英國讀書，佢係英國返黎既第一年，又係一見面時給了我們一個擁抱，當年就緊係覺得唔慣啦!
最後一站係機國，Shauna都同我差唔多時間到，我地係pacific coffee飲野，然後等8:00集合時間。
集合時，Mickie俾番張保單我地對資料，我發覺受益人個欄，填錯我媽媽個英文名，因為我本身一定係填mui(妙)，佢係身份証英文名已經係填錯了，所以我一定會填得跟番身份証，但而家個受益人個英文名係miu(妙既真釋法)，所以好明顯係打保單既人出錯了。於是我只好同micky講，然後搵番幫我地買保險的那個妙妹去改。
入集前既最後一次brefing，我都期望行程會有變，等我可以係巴黎住番一晚都好，可惜結果同之前講既一様，我地唔住巴黎，一落機直接坐車入Taize。我連唯一既希望都冇了，而冇乜心機再聽brefing。
入集後，行去登機閘途中，我問Shauna記唔記得我幾多號生日，佢竟然話係22號，我心情真係跌入谷底，連呢個旅程唯一知我生日既人都記錯，唉...
坐阿聯由飛機，10開機，去到12點幾時想訓的時候，點知架機突然降落，有人落機，有人上機清理座位，係呢個時候我先知原來呢班機會係泰國落客同上客，擾攘成個鐘後，先再起飛，係呢d時候又怎能睡得好?由香港起飛到dubai坐了9個鐘頭機，先再係dubai轉機。此時香港時間已是2月18日既7點。
係dubai去厠所時，發現自己竟然會痾油，oh，好明顯我係間餐廳到食左既係油魚，好彩之前d新聞大事報導有人用油魚當鱈魚賣，如果唔係我可能會係呢個旅程到擔心自己既身體狀況。
呢個法國之旅既起程點解會咁架?好當不如意既事發生：油魚、壞鎖、冇得stay paris、記錯生日…唉…
法國之旅既第一天好似係踏上灰色旅途咁...