車天車地 一個有好多回憶既地方!!!

106愛的鼓勵 0訂閱站台

15-5-10(六)返8放12，因為1:30要去學車，為左要飽肚食藥，去左學校對面的中華小廚買左個沙嗲牛肉麵、磨菇火腿奄列、厚多士同茶走，夾埋要$23，都係海馬的豐富早餐抵d，$19有麵包、雞扒、薯餅、同沙嗲牛肉麵和熱飲，但呢個餐實在太油膩了，一宜多吃!不過而家都應該襯食得就食了，免得遲d冇得食。

 

    放12，行上火車站坐171，12:52已到了鴨利州，見有時間，跟架車繞埋去海怡半島一週，順便識下新地方，認下路!等唔駛3分鐘都凹完，跟住行去駕照學院了，係counter到攞埋個學習執照先。(車，上次因為寄來我家，搞到我擔心左好耐點解咁耐都未收到，又驚阿媽會keep起運輸署封信，而識穿我學電單車)

 

    路試第一堂，成個月冇開個車了，先係細圈到操車，跟住跟阿sir試行路練路線，行第二條路線，因為二波開車，搞到死火，隔來渣van仔的司機，叫我俾心機，佢話佢初初學都係咁，hahaha!知道!回場內後，就試下練斜路轉灣。

 

    今朝早上見個地濕就驚學車會有危險，放工時驚好太陽就驚曬死，雲姐姐come on。3:35放break，只係渣左車個半鐘都已曬黑了，最搞笑係個手肘位有護肘印。

 

    休息完後繼而練斜路打8字，起初都打到，但其後d視線唔好，成日一收油就望地下，搞到成日跌車(我有聽阿sir講，唔好用頭輪剎車)，但跌車時都撞瘀了，唉….!好彩臨上完堂時去練習都可以打到，冇跌車，下次下次下大概可以……

 

    坐免費車出番灣仔，行去搵Dennis，跟住一齊食板前壽司，好耐冇同佢單對單食飯了，食得好滿足呢!因為我冇食午餐，仔食飯時，我又飽wor，只吃了兩口意粉就挨到而家。

    飯後送佢去返學，跟住我行去灣仔碼頭坐船隻過尖沙咀，再坐小巴回家，8:30回家了。