車天車地 一個有好多回憶既地方!!!

106愛的鼓勵 0訂閱站台

18-2-07(日)去到機場，甘蓮娜個表弟來接機，佢如細個就移左民黎法國，識講廣東話，但唔識睇中文，咁佢d廣東話都算講得幾純正wor。出機場去攞車，我只著了一件長衫外套，都唔怕凍wor，可能而家係中午時份，都應該有十七、八度。

我地一行25人分了2部車去泰澤，由於飛機訓得唔好，所以上車冇耐即訓，大家都有好多合理，行理箱都唔夠位擺，所以攞埋去車商，中途停了2次車，全部人都要落車休息下，我都係係呢d休息時間先會醒，訓訓下都開始覺得凍，好彩Shauna借了件風褸俾我，but訓到晏d，都真係feel涼了好多，所以第二車下車休息時，就去了叫司機叔叔幫我開車尾箱，攞番件freeze黎著，著左件freeze，當堂暖曬，下一次再訓醒時，已經到達泰澤Taize，總共坐了5.5小時車，加埋坐飛機個16小時37分，加番係dubai stay個三小時，由香港黎泰澤Taize機乎用了一日小時，真係累到死。

PS係中一個油站停車時，見到D電燈柱都幾得意。

我地聽緊個brefing時，見有一個中國人望左入黎，完全佢就係係泰澤Taize唯一一個中國人，他來自香港的何錦棠修士，聽完brefing後，團友都想趕去晚禱，於是男仔就幫手搬行理入brefing間房，女仔先行去教堂，其實我當時係超累，一心只想回房休息，但其他人既心都好火熱去祈禱，因為唔想遲太多，直頭跑埋去教堂，我就當然要跟大隊啦!教堂好陰、好寧靜、好舒服，我係呢d環境中應該九成九會睡著。

晚禱後由教堂出來望上夜空，可以見到好多發光既星星，超靚，我應該咁大個人都冇見過咁多咁靚既星星，真係好光亮，Shauna說可以見到星座，I agree。跟住攞行理拉入房，係d石路到拉行理都幾難拉，同埋都幾嘈，希望我d行理車轆唔好因為咁而爛。

回房後，跟住沖涼，由於係dubai機場都買唔到拖鞋，咁樣去沖涼會好唔方便，於是我問左同房既啟敏借左對鞋拖去沖涼。(呢度既分房方法係30歲以下同30歲以上分開入住唔同既營舍，我地呢間房有6個女仔加6個德國女仔一齊住。)返到房間睇番個行理箱，發覺個拉鍊扣斷了，即係我個鎖唔可以再鎖住個拉鍊扣了，千辛萬苦先開得番個鎖，點解而家都個扣會爛，真係人都顛，唯有等飛返香港個程機時，再去香港counter個邊問係有冇得整番，因為上次同表妹去泰國時佢個行理手抽位爛埋都有得免費整番。

用中央熱水爐，d熱水用曬就要等煲過先有，點知突然漆黑一片，唔係停電怪?我估係到夜晚11點會冇電，我記得brefing時都係講話11點冇熱水，點解而家係冇電?真救命!唔理三七廿一都係快d沖啦!d水有少少凍都算啦!但唔通呢個旅程真係註定要咁灰…

係呢個時候，我見到天花板有電筒光，我心諗整d光射黎天花板上面都好，但我起碼見到少少野，唔駛完全摸黑沖涼，跟住Mickie問我同Shauna係邊，原來Micky刷緊牙時見到呢到突然停電，佢又知我地正沖緊涼，所以攞兩枝電筒俾我地，總算有件好事發生了，Actually真係唔鐘意呢度，呢度好似去了香港既渡假營咁，加埋旅程既辛苦，又冇得stay Paris，行理箱個拉鍊扣又爛埋，總之心情真係麻麻，但呢支電筒都令我有D溫暖，我只能同神講唔好俾我帶著失望返香港啦!我求其它，你可以唔俾，但我祈求尋找返你，你無理由會唔俾既，聖經都有話：「因為凡祈求的、就得著。尋找的、就尋見。叩門的、就給他開門。」太7:8