車天車地 一個有好多回憶既地方!!!

106愛的鼓勵 0訂閱站台

19-2-07(一)7:30起床，然後梳洗去教堂，8:15早禱，早禱時領埋聖餐/聖體，之後出去排隊食早餐，早餐有牛奶、一條朱古力仔，同埋麵包，d麵包係可以用黎打架既硬麵包，麵包實在太硬了，以meet開佢黎食都好難，但加埋牛油去食，d味道都ok，可能冇乜野食之下，乜都要食，所以都會好味。10:00bible study，修士係講講英文的，由於我好多唔同國藉既人係度，英文都唔係我地既母語，所以修士都專登講慢d，等d人聽完英文再番譯番當地既語言俾佢d同伴聽。我專心去聽都會聽得明3,4成，但有d字眼就真係聽唔明，當我開始聽唔明時，我好自然就會訓著了。
到分組時，修士將我地用年齡去分，佢分25歲以上和25歲以下，其實我重有一日先到25歲，但我當然係跟住Shauna，所以照去25歲以上那邊，好彩有修士幫我地分人，如果唔係我諗有可能大家同國藉去番同國藉既人一組，那就不能讓唔同國家既人一起分享溝通分享神的話語，我個組既組員有我、Shauna、Vivian、Ricky、瑞士人Franciska、葡萄牙人的Pedro、Hugo同Joana。
大家坐係10號房(canteen)對出的三角形椅到互相認識，修士話我地可以分享下自己like唔like朱古力，到我分享時，我話我本身唔係呢個group但明天我生日了，所以都來埋這一組，佢地對於我明天生日都表現得surprise…我地再約下午3:30見(雖然用英文聽bible study唔係聽得好明，但係用英文黎同人溝通又好ok wor，會聽得明佢地講乜，同埋自己都識得用英文去同人講野，好彩d英文都重見得下人啫)，之後午禱、lunch，2:00去教堂練唱詩歌，我跟Shauna一齊唱Soprano，如果唔係跟Shauna坐，我常常都覺得自己應該係Alto，但唱唱下Soprano又好似ok wor，教唱詩的那個女仔係昨天我地到Taize時同我地簡介那個人，佢話佢來這裡是義工，佢好勁架，攞個音义黎聽音準，同埋唱得好好聽。
係呢到練習唱歌都見到其他香港既團友仔，練完歌後就留係教堂到影相，到3:30就去meet番d組員，佢地choice係鐘樓既sunshine下坐，其實我係怕曬架，所以要簡d背著陽光既位坐，Franciska請我地食朱古力同埋教我地用手玩遊戲，歌曲係我愛洗澡前奏。後因呢到有車經過好嘈，於是我地搬去OYAK出面坐，坐坐係時Perdo多左一個朋友來，大家係度分享工作上的問題。
小組聚會後，5:15去吃tea，tea與早餐差不多，then我地去exposition睇名信片同買紀念品，但都冇買到野，因6:00佢地close了。
6:00我地去睇介紹Taize既廣東話帶，睇完呢套片就對Taize認識多左，知道Brother Roger被刺殺，在他的追思會上都有好多領袖一齊出席，也是達成他的心願。
之後dinner、晚禱、其實已經超累了，回房即sleep。
訓訓下，10:45左右Micky叫醒我話7:30要起身la，我應佢叫佢話俾我訓多陣先，因為我真係好累，後來合埋眼時，聽到佢地話要唱生日歌俾我聽，同埋講點算呀，重叫唔叫佢地入黎好，定’聽’日先，啊!原來佢地係想同我慶祝生日，因為係呢刻既香港時間，我已經生日了，我那刻都覺得不緊要啦!明天先聽。我一路聽佢地講野其實個心都係到笑，因為開心!到佢地再次叫我時我咪即彈起生，我冇帶眼鏡係睇唔清楚架!但見到有一班外國人圍住我張床彈結他同唱生日歌俾我聽，真係非常開心!非常多謝Shauna幫我叫班德國人入黎唱生日歌俾我聽，好特別，有咁多唔同國籍既人唱歌俾我聽，到訓覺發夢時也都見番同一個情景!呢個25歲既生日竟然有一個特別既序幕。