車天車地 一個有好多回憶既地方!!!

106愛的鼓勵 0訂閱站台

29-6-07(五)放工去了吉之島野食，係超級市場買野食感覺好開心，坐7:00車回家。今日冇去做gym，回家休息，是怕自己做得太累了，跟住回家又睇番d電視，可能會夜訓，那麼之後既澳門旅程也會繼續因唔夠訓而累。

30-6-07(六)返9:00放1:00，跟住坐6x小巴出尖沙咀，係city super到等浩堅、寶文同家媛，係寶文同家媛食緊飯時，我去了惠康到買麵包同水，因為我11點幾點都食左野，所以而家唔肚餓，買麵包崇水是口痕。

真的要多謝家媛專登出o黎食飯，為的是謝部NDS俾我上船玩，因為我同浩堅、寶文一齊坐3:30船去澳門，佢地二人都有NDS玩，家媛驚我悶，所以將佢部機借俾我，唔該曬。

今日落雨，好大浪，隻船都好拋，坐我後面D人係到叫，話好似玩快艇咁，都幾好笑。由於太拋了，打機會辛苦，打了幾個字機後，好鬼眼訓(其實我不嬲坐車都好易訓的)所以就去訓覺了，訓得唔係咁好，好醒訓。

坐了1個小時10分鐘就落船，過澳門關口又係超慢，排左大半個鐘先可以入鏡，跟住我地坐3A巴士去建華那個地方，巴士司機冇提我地落車，我地落遲了一個站，跟住行到去麥當勞到等，阿鵬之後o黎了接我地去建華社區中心，會合大家後就過關返珠海，出境時又係超慢，排左好耐好耐先可以過關，反而大陸那邊過關速度就快好多了，回到酒店放低行理(我同雯雯一間房)，就去了酒樓食飯。

回酒店分享後，回房休息，我沖涼洗頭後已經太累太累了，好想訓覺，但又怕雯雯悶，所以同佢傾計，傾到穎心沖完涼o黎搵佢時，我就訓覺，而雯雯同穎心去了浩堅、寶文間房一齊傾計，到3點幾先返o黎。

今日好似先o黎澳門，冇參與到佢地下午既活動，總覺得自己冇做過野，冇咩得著。

1-7-07(日)7:45起身，跟住過關去澳門，係建華附近食早餐，跟住10:00參與循道衞理澳門堂既崇拜，佢地首始禮頌係用Tazie既歌’在主內’，真係超好趣，也勾起我Tazie既回憶。

崇拜後，我同下午一起參與單親婦女服務既鵬嫂、Vikcy Chan、Winnie、浩堅、寶文、雯雯一齊去食麥當勞，跟住返去澳門堂預備下午既活動。

睇住浩堅、寶文起初都唔係好想帶班婦女跳讚美操，但播到有一首歌時，d動作都幾簡單，浩堅、寶文、萍姐、雯雯、Vikcy Chan都好開心咁跳時，我又參與埋一份，原來跳舞都可以好好玩的。

活動開始時，最搞笑的莫過於浩堅話大家而家介紹完都唔會記得大家是誰，所以佢統稱大家做靚女，真估唔到浩堅都有咁搞笑既一面。

跳完讚美操，我地帶班婦女穿五色珠同做天使，好開心可以帶班婦女穿天使，因為我好鐘意穿珠，二來可以將自己識既野教下人，三來可以同一大班人一邊穿珠一邊傾下計，以往我只會一個人穿珠，而家一大班人一齊好開心咁樣穿珠，感覺好不同呢。婦女們都好開心呢，因為佢地都覺得d天使好靚。

活動完結後，我地一大班人去了白馬行附近既坤記食食葡國餐。跟住去了永利睇西方注資既賭場。

永利門口既大型音樂噴泉好好睇wor，而大會帶我地入賭場既目的係想我地睇下d人既賭樣、荷官、人既心情等等…,其實做荷官都好慘，如果睇見人地不斷win錢，自己又會就去賭，如果睇見人地不斷輸錢，個人又會好灰，如果做到平衡就最好了，係外國既賭場有心理輔導服務給予荷官，因他們的心理問題會是職業病。

睇完賭場9:30左右，去返關閘過珠海，係珠海既口岸商場買甜品回酒店食，跟住回酒店有分享會。

搞到差不多一點先完，跟住回房洗頭沖涼訓覺。雯雯又同穎心去了浩堅、寶文間房一齊傾計，到3點幾先返o黎。

2-7-07(一)8:45起身，9:15退修，睇路加福音10:1-12，然後分兩個圈兩人一起互相分享(內圈轉和外圈不轉)，我對呢段經文既感受係：耶穌叫門徒不要帶錢、口袋去傳福，無論入那一定，要先說：「願一定平安。」門徒有信心聽耶穌的話去做，要先祝福人，無論人接不接受，都說：「神國臨近了」神愛世人，並願我們每一人都悔改，不願我們受罪，所以遲遲都未到世界未日。

11:45check out，跟住去飲茶，然後過關去澳門，先去白鴿巢公園睇馬禮遜既墓地，跟住行落去大三巴，到手信街買手信，之後到義順集合，我放d手信就再行過去買有脆卜米既了結糖，我既記憶真係掂，竟然咁都俾行到去正牌車厘哥夫o既專門店，yeah!

再行返去義順，飲了香蕉奶式同食豬仔包，就坐巴士去港奧碼頭了。

4:50到都排唔到5:30鐘4船，好彩臨尾坐到6:00船既後補位，比願定既7:00船，總算早了一小時，7:30左右就返到香港。上船後打了20min機，就好眼訓，到訓醒時己是7:20，已望到西環了。

返到香港感覺好好多，似乎香港是我家。

去HMV坐8小巴回家。