車天車地 一個有好多回憶既地方!!!

106愛的鼓勵 0訂閱站台

14-9-08(日)八月十五是中秋。(d仔上星期就係學寫呢句句子)，現在也到這天了。

由琴晚2:00瞓到下午2:00，足足瞓左半日，精神曬!跟住睇唐伯虎點秋香(呢套戲都睇左幾百萬次，但依然會睇，因為好笑!)同埋打日記，3點幾睇亞視時，講黃山風景，由於舊年去過呢個地方，而家再睇番電視，就份外有親切感。
攝製隊影到黃山上的雲霧，像仙景般美麗(一年有200日都是這樣天氣，可惜我無緣見到!)

打日記到8:00，同阿媽出大快活食飯，跟住行去百佳睇紅酒，再坐珠江VAN去土瓜灣，係天光道落車，跟住同Dranell一齊去百佳買零食、汽水、紅酒上小保家。

我同Dranell去小保家門口先打電話俾佢，小保問我地係邊度時，我地話門口，佢衫都嚟唔切換就走o左出嚟開門，跟住Dranell覆佢同Kelvin盤棋，其後小保個大學同學o黎左，佢話佢以前有3K，Dranell叫我同佢捉，係中間塊地度，佢補錯棋，死左。

其他人如Amy、焯賢、Joey、王子、王子女朋友、Kelivn也陸續到來。我、同小保朋友以及Joey和焯賢捉完棋後，我地就玩猜猜畫畫。我、Joey、Kelvin、焯賢一組，小保、小保太、Amy一組，以及小保同學、王子、王子女朋友、Dranell一組，最後我地組win了。

跟住玩Bnag，我難得地做賊都win到一局，其實係焯賢黑仔(警長)，是關另外兩個賊都死了，得番我一個要面對警長、副警長同古惑仔，三對一很難win呢!但我放了個炸彈，焯賢一開牌就死了(佢話佢今晚開三個炸彈都爆)，所以整定你死了!冇計!!kekeke!!!

玩完Bang，就玩蒙羅麗沙、芭蕉樹等，玩呢D遊戲輸左o既懲罰就係要食月餅。其實我都幾鐘意食蓮蓉，但係d蛋黃卻恐怖呢!話說星期五中秋節慶祝會時，錦盈攞左個4黃月餅回來，呢個月餅個黃真係好靚(橙黃色的)比起雙黃月餅靚多了(黃色)，細梁起初以為係豆莎月餅，所以開來食，但開完見到係4黃月餅都唔敢食，話留番俾我同d仔一齊食。但再靚o既蛋都冇用，因為我唔食的，我同d小朋友講呢個月餅個黃好靚、好貴架!你地要食多d了。

今晚玩遊戲輸了2次，食左四分一個月餅。到5:30時，我、焯賢、Dranell、小保、小保朋友一齊玩喪屍，呢個遊戲不是內容情節恐怖，而係玩左3個鐘而都重未玩完，咁樣先恐怖，本來就快可以坐到升直機走，而結束呢個遊戲時，有人出隻牌，係個層樓到加9隻喪屍，天阿!就係咁樣o既玩法，我地玩幾個鐘都未完，去到7:00，我伏埋係到瞓覺，到我行時，先起身摘骰行幾步，然後再瞓，又醒又瞓6、7次後，我就精神瞓，可以繼續玩。

最後為左快d完左呢個game，Dranell同焯賢幫我移開曬d喪屍入房，以免小保同佢朋友又再用張麻煩卡，再叫多9隻喪屍出來，而我也只需打贏兩隻喪屍就能贏，並結束呢個遊戲，好彩我不負眾望，靠運氣摘骰贏左兩隻喪屍，完左呢個game。玩完呢個遊戲，我多左個新名「烈火戰車」，因為我見到喪屍都會好勇咁衝過去打。

8:30玩完喪屍，Joey幫手覆小保同Kelvin盤棋，Joey打左成晚電腦game，頭腦仍然好清醒o咁覆棋，勁!Kelvin、Amy同王子都瞓醒左，大家都好有精神聽覆盤，但就到我開始眼瞓了，我9:00開始伏係枱度瞓，瞓到9:17，起身就見到小保同Joey繼續行棋。到9:30捉完時，大家就去食早餐了。

去左麥當勞食早餐，食到11:30先走，然後小保、王子同Joey返上樓繼續捉(捉到3:00先走，勁!)，而我當然坐小巴返屋企啦!12:00入屋，唔敢咁大力閂鐵閘，怕嘈醒阿媽，咁大個女，都係第一次玩通頂，同埋有班咁啱玩o既朋友，所以我會記得呢個中秋節。

一心諗住挨到2:00pm先瞓，咁就剛剛好24小時冇乜點瞓過，但去到1:30時已挨不到了，上床瞓覺。

7:30pm起身，中秋翌日就係咁無左了。

然後上網捉棋打日記，又睇埋十月初五的月光先瞓。