車天車地 一個有好多回憶既地方!!!

106愛的鼓勵 0訂閱站台

3-4-07(日)返午堂崇拜，俾番d CF卡誠誠(因他俾卡我，叫我幫佢入Taize既風景相)，點知佢俾我2張卡一面，有一張我攞錯了自己o既卡俾佢，真係大頭蝦。

我同Phoebe企係聖堂門口簽生日卡時，穎心問我地會否一齊食飯，我地話會，Phoebe話佢既圓都會好，誰是圓形，穎心話圓形係乜都圓，所以叫圓形，可憐既俊傑。

崇拜後跟萍姐上400攞八課既書，因下星期會同阿b上八課。

跟住同Phoebe、Elise、Vicky行去大熊本會合其他團友(有Vickay ma、念念、穎心、子祥、Chris、俊傑)一齊食飯。後來阿勝同Tracy都到，我問阿勝因何會同Tracy死一齊，佢地好似冇咩交滙點，阿勝答我呢個世界有一樣野叫一見鐘情，佢呢個答案笑到我同Tracy死，Elise先問我做咩咁直接去問人，阿勝話佢就係鐘意我咁直接，hahaha，其實識左阿識都應該有7年，大家都係玩得，又有咩所謂!

阿勝問我暑假去邊，我話可能會去雲南，佢話佢會去泰國，因為佢有親戚係果到島到開渡假村，佢會同佢d屋企人去，並問我地去唔去，嘩!陽光與海漢，如果有埋水上活動玩就Prefect了，好吸引，因住唔駛錢，大vic都有興趣去，因佢地係七月尾去，我係大假都係呢個假期，唔知Mandy同偉有冇興趣呢?

飯後，Phoebe同大Vic去了睇貓展，我冇興趣去，於是我去了柏裕商業中心到換一個勾(排隊都等了4個字)，跟住回家了。

同家媛係到msn，佢今日冇返崇拜，原來因為佢要改晒今個 weekend 應該改的野, 而今日又要出工作紙/卷... 結果今朝六點幾先訓，就可憐又下老師心，為到自己有幾個月耐都只係攞過野2、3日野回家做而感恩!不嬲同家媛都唔係太熟，我見佢同其他雯(Edmund、寶文、雯雯)都熟，為左讓佢集齊一套雯(包括我carman)都熟，我會積極同你熟落架啦!

返到屋企執屋，執d飾物，搵到好多藍色飾物，我係鐘意彩色架!點解會有咁多藍色o既?咪就係當年讀中學時，學校規定女仔紥頭髮飾物只可是藍色 / 黑色。都擺左好多年冇用了，d象筋都鬆了，係時候要拋棄了。

難得執開d執物，咪整個彩虹耳環，這個彩虹飾物是一年前上art既時候用伸縮膠整的，只係加埋條鍊就可以做耳環了，終於拖到今日，我就去整埋呢修飾物啦，當我用鉗加左條鍊後，咪噴下d火酒去消毒下，因為我用的是我老豆個d工具鉗，點知一噴火酒就出事了，個彩虹上o既顏色’nut’曬，oh my god，我最鐘意既彩虹就咁冇左，oh彩虹呀!彩虹呀!你死左好慘，而家只係得番一個彩虹飾物，以後只可以帶一邊>.<

6點幾，Phoebe打來問我出唔出尖沙咀食飯，其實我由lunch餐飯頂到而家，所以都係唔出了，其實我係下午都有諗過Phoebe可能會打來問我去唔去食dinner，果然不出我所料。

阿媽一回家就話聽到留下d人講話爆水喉，可能會閂水喉，佢叫我快d去沖涼了。煲好水後，就拿拿聲沖涼洗頭，feel到d 出得好慢，好驚沖沖下會冇水，呢個時候發覺原來謠言係好恐佈(如果唔會製水，但我又係到驚)，唔理咁多了，沖完先算，反正早d沖涼都唔會有損失。

沖涼後冇幾耐，就聽到留下有人宣佈話敦文樓同德文樓已冇水供應，因爆水管，好彩我同阿媽都沖埋涼，冇問題的，只是留番d水俾阿哥同阿爸。

我覺得而家一切生活都好方便，但突然發覺可能會冇自來水後，生活便好麻煩了，又如果而家要經歷戰火，到到都被炸彈炸曬，咁咪要等人搶修，可能要好耐好耐先可以回復現有既生活lor…慘!慘!慘!要為收戰火困擾既人祈禱，世界和平真係好緊要。以前可能當口頭禪，人大了，有另一番體會。

睇一擲千金，玩家欠人太多錢，睇得出佢個樣都好愁，真係相由身心，可惜既係佢開第一個箱已開了三百萬…

Phoebe回家途中，坐5C由9:30同我傾到10點幾，好耐都冇佢傾計咁落電話(由佢嬲我至和好番計)。