車天車地 一個有好多回憶既地方!!!

106愛的鼓勵 0訂閱站台

9-6-07(六)返8放12，因為著牛仔褲出街覺得好熱，所以專登返屋企換番條裙先再出街，1點到行去教協買生日禮物俾家俊同ICY(家俊今日係麥當奴開生日會，ICY就下星期日父親節開)，’簡’左成個鐘禮物，跟住2:15到已返到教會圖書館。

2:30會同阿B上第一堂八課，我其實都上左八課導師班好幾年，終於有第一隻羊仔了，琴晚備課時，聖經O既經文也同時提醒番我。

4:00團契講6月尾澳門短宣O既事宜。

5:40離開了，去番黃埔麥當奴參加家俊生日會，我6:15左右到，家俊媽媽話我重咩咁遲，頭先6:00話遊戲時，佢重話要等埋吳老師，真係唔好意思了，因為要返教教會，不過唔返教會，我都唔會咁早到，因為都唔想SOCIAL咁耐，放工啦!要休息下既。

跟住家俊媽媽問我係以前係咪做保良局，我奇怪佢點解會知，因為我只係同老師講過我以前做保良，家長應該唔會知的，原來佢家俊媽媽家姐個女係我以前既學生，我係九龍城做時教曬全教ART，所以佢個女都係我既學生，佢叫馬可盈，單憑個樣，我就唔認得，但講了個名之後，我就知是誰了，也慢慢能將聯繫去個樣到。

同馬可盈媽媽傾計時，媽媽話叫到我好熟面口，但我對馬可盈媽媽真係冇乜印象，但我都重記得馬可盈個園號係40，佢以前係由嬤嬤接放學的，媽媽話星期六就會係佢接。呢個世界真係小，估唔到咁都會撞到識既人，佢地同姊妹既仔女都係由我教。

同朱仔媽媽講佢個仔話有豬骨既事，佢媽媽都係到笑，媽媽重話朱仔係屋企naughty，於是媽媽話要話俾吳老師聽，叫佢’鬧’你。朱仔話吳老師唔會鬧佢，吳老師好錫佢架!你個衰仔，咁你都知。

陽陽爸爸問出年係咪我繼續教，我話我都唔知，要問校長，佢問點樣先可以繼續由我教，我話你要同校長講 ，爸爸就話要寫封信俾校長，我答佢多謝曬，真係多謝你o既支持。

生日會後坐番車出教會，今晚係李鼎新牧師退休前既培靈會，名叫一生何求，我因為今日太頻撲了，講道時又睡著了。

9點幾完講座，見到Ackie返左耐，同佢嗲左幾句。

之後我地去cafe飲野，其後團友陸續到來，有成18人(mnady、偉仔、浩堅、ackie、雯雯、勝、tracy、家媛、媚媚、阿牛、守怡、phoebe、誠誠、vicky chan、chris、鵬哥、鵬嫂)，勁!

11點幾，我同雯雯、浩堅送ackie返屋企，佢住係魏生魏太到，第二次行上京士柏山呢個豪宅到，有兩重保安守閘，豪宅不愧為豪宅。

之後同雯雯、浩堅去坐103，本來我地去啱了愛民村天橋下的巴士站，但唔知點解突然覺得自己好似去錯了巴士站，於是帶佢地去了李炳對出既巴士站，原來呢個站先係錯，我真係SHORT左，勁唔好意思，要佢地行番去天橋下的巴士站，好彩佢地大人有大量冇嬲。