24h購物| | PChome| 登入
2007-12-09 21:35:14| 人氣210| 回應0 | 上一篇 | 下一篇

參觀益力多廠

推薦 0 收藏 0 轉貼0 訂閱站台

5-12-07(三)放工決定唔留低了，已留左兩日，係時候休息下，本打算去做gym，都成兩成幾月未去過，是關早排膝頭痛，我諗休息左咁多應該會好d了。6點幾收到Phoebe電話，問我去唔去食飯，呢個活動開始吸引到我唔想去做gym，結果冇去做gym了，坐巴士時，臨落車時，個膝頭好似有d痛，唔痛係坐得耐，keep個動作keep得落，anyway都係再休息一排先去做gym，免得整親隻腳，得不償失。

食完氣，跟住行朗豪坊，我想買件黑色o既打底衫，用o黎襯番上星期五係家樂買o既閃閃魚綱。結果我係bossini買到。

6-12-07(四)帶低班去香港益力多廠參觀，其實我都係第一次去，睇左一套介紹益力多功用既卡通片，話佢可以刹大腸同小腸既細菌，如果唔係我本身知益力多係一樣好肥既飲品，因為加左葡萄糖同沙糖，如果唔係我都會俾呢套片洗腦，我係小朋友的話，都會叫媽媽買俾我飲。

放工同阿蒙一齊坐車去九龍城，我地係麥當勞門口到等阿卿，我地企近路邊，跟住有一架van泊車時，爭少少就撞到阿蒙，我叫阿蒙望時，佢都嚇到竟然有右車咁近佢，阿蒙話我考士車牌後，驚覺性高左，都係架，行係d學車o既車隔o黎時，真係要小心d。

阿卿o黎埋，我地去左城寨風情到食飯，聽阿卿講話全港5年內所有幼稚園都要外評，一諗到外評時要有好多文件，就大穫了，因為我覺得學校好多文件都唔係好齊，如果我簡左進修degree時，那我一定要面對埋呢個外置，真不知到時點死，突然有種想轉工的念頭，不過我知我不會輕易走，同埋我都好想睇埋我自己班由N1就開始教o既小朋友，我想睇埋佢地畢業。

而阿卿係九龍城都做得唔開心，佢話佢明了我當年的處境了，所以我知佢而家都一定做得好苦。

食完飯，去金滿堂食糖水，跟住行番去機場果邊坐巴士，等車時，同一個朋友傾電話，呢個人竟然講左句：「我個樣好信得個咩，做咩係要同我講秘密!」一.一 咁都得!你放心啦!我就係例外一個，我d秘密實唔同你講，同得你講果d，我都預左你有機會會再同人講。

我要檢舉
台長： 車人

您可能對以下文章有興趣

人氣(210) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文