車天車地 一個有好多回憶既地方!!!

106愛的鼓勵 0訂閱站台

7-11-09(六)Day off 坐11:30出門口，坐113去到灣仔，再轉巴士入赤柱，我係麥當勞食野同等阿清和阿熙，兩隻野都遲來，結果我地趕唔切1:20去蒲台島的船，就改為係行赤柱。

 

參觀左天后廟，係天后廟入面見到有塊真的老虎皮。

 

 

我地去左赤柱墳場，呢個地方有好多人係到影相同傾計，但d影相o既人係人地個墳上到玩同扮鬼扮馬就好似唔係咁好了!

 

    跟住繼續行就去到富豪海灣了，以前成日睇呢個樓盤o既劇集，今日終於都來到了，原來佢o既位置係係墳場再入。想影門口個牌時，個保安都即刻阻止我地，車…駛唔駛咁呀!

 

    沿路行到盡頭所謂的炮台，原來是一個軍營，影下相，再等總站的巴士開，我們就走了。

 

 

    出番筲箕灣後，阿清回家休息，我同阿熙就一直行，去到太古城時想睇戲，但又想行多陣先，去到北角時先發覺北角冇睇院，跟住我地坐電車出銅鑼灣，去到time square時又冇想睇的戲，跟住去食飯了。