車天車地 一個有好多回憶既地方!!!

106愛的鼓勵 0訂閱站台

29-6-08(日)一早起身食完早餐，就去了寒山寺，肥仔話呢間寺o既外觀有日本屋的feel，agree。肥仔話蘇州以前好多花姑，係煙花之地，有讀書人冇錢，重要見到咁多嘻笑聲，好苦，但聽到呢個對傳來o既鐘聲，能平靜佢o既心。

係寒山寺見到一幅圖有五隻蝙蝠圍住中間有一個壽字，意思係福鼠潻壽。

跟住去了睇絲綢，第一次見d人抽絲，d絲好得意的，點扯都不唔斷，好耐用，最後我買了一張床墊同一個執頭，導遊話買絲係呢度買就最好，因為出面o既絲綿柀，好大機會已混合了綿，所以同真絲被係會有d分別，同埋呢度d絲係用生絲(隻蛾未死時抽絲)，係會靚d，跟住去睇絲綢o既fashion show，第一次睇d model行天橋，然後食飯，睇呢d絲綢地方，導遊就俾大把時間你睇，唔吹你走，但買餅個d平價地方，就拿拿林叫你走，可想而知，呢度買d野貴d，回佣都會多好多。

飯後坐車去落無錫，第一站係太湖，太湖有內湖72個，而楊澄湖就係內湖o既七十二分之一，無錫導遊叫阿為(佢讀自己個名偉仔)，佢話楊澄湖大閘蟹係無錫買$20，但一落到香港就要$220，香港得一個地方會入楊澄湖大閘蟹，就係珍寶海鮮坊，呢間酒樓同當地係有簽合約。

佢話要將楊澄湖大閘蟹分高低係要將塊玻璃打斜放，睇下隻蟹能否行上去，是關楊澄湖底係石，d蟹行慣d滑o既石，就必能從底打斜行上玻璃。

跟住我地就去三國城，三國城是一個影城，由中央電視台投資，位於太湖湖畔，佔地超過五平方里。過去不少中央電視台出品的劇集都在此取景，如《三國演義》、《大唐雙龍傳》等。

城內全是仿漢代的建築，宏偉而具氣勢，軍營、城樓、水寨等建築一絲不苟，甚具真實感！進入城後，就如回到三國時代。

這裡除了有以景物營造出的三國情調外，更有充滿動感的表演─『三英戰呂布』。由騎術精湛的蒙古演員分別飾演劉備、關雲長、張飛和呂布，演譯昔日四人如何鬥智鬥力的精彩一幕，其中最震撼的就係一下突如其來的爆破聲。(好彩導遊事先有提醒我們要掩耳仔，所以唔怕嚇親。)

欣賞完精彩的表演後，便到吳營水寨，乘戰船暢遊太湖。太湖面積有如兩個香港般大。驟眼看過去，無邊大海確是很有氣勢，在湖中看三國城更覺宏偉，呢個拍攝場景真的太認真了。

之後我們去參觀薛家花園，進入呢間豪宅前，已好鐘意聽呢個道遊講歷史，佢話要幫我地開心眼tim，教我地睇文物同做人道理。

觀薛家花園：清末著名思想家、外交家薛福成的大型官僚宅第，坐落於無錫市中心，佔地面積21000平方米，素有“江南第一豪宅”之稱。

首先係門口佢解釋了為為是「門當」，門當向外的是芙蓉，代表這家人從商；門當向內的是獅子，代表這家人當官的。呢個人在社會上有地位，而他正門對著的另一家人也應該是相當的身份地方、這正所謂「門當戶對」就是這樣了。

大宅內一件值1億3千萬o既寶口，供遊人影相，阿偉話呢度唔過估值唔過5億o既文物都不會放入博物館，點都要同呢件咁貴值物o既東西影下相先，以往係通利琴行，係到彈下d六、七百萬o既鋼琴時，已覺得值回票價，更何況遇到我人生中暫時是最貴的物品呢!

園內有水榭式戲台最具特色，國內罕見，為江南現存最精致、最完整的家庭戲台。(中國第二大)

行到成7點先去食飯，係呢幾日旅程中最遲食飯的一天，團友都抱怨肚餓了，我又不太肚餓wor，因為在車上早己食了零食打底，keke，我寧可行多陣欣賞下呢d古老建築。

飯後便回酒店了，酒店對出便是太湖，導遊話我地可以出外散下步，但四周都黑蚊蚊，又落緊雨，邊有心情出外呢!還是沖完涼，早d瞓吧!