車天車地 一個有好多回憶既地方!!!

106愛的鼓勵 0訂閱站台

16-7-08(三)做Project時，用OHP照出幼兒塊臉的影像，然後幫幼兒畫出外貌，之後他們用剪刀剪出自己的外貌，來製作影子棒。

放5:00，本可以一早走了，但話曬明天都外評，又唔好即閃咁過份，所以留低諗住抄番好project個web，而阿sam今日又o黎左整電腦，順便請教下佢d電腦知識啦!我想將一張A4 size o既紙放大至4張A3 size o既紙，想問佢點整，但佢都唔識，最後5:35leave，但都坐唔到5:50的車，結果要等6:10那班車，臨上車時，call阿何，睇佢一唔一齊返愛民，佢收到我電話，拿拿聲行過o黎，慳番d時間唔駛排隊，討厭暑假，一來自己o既暑假太短，只得一個星期，二來好多學生放暑假，多左人o黎黃埔行街，搞到我成日要等兩班車才能回家。

返到屋企等I cable d人o黎整電腦，佢7:05左右來到，佢話我個server駁下佢個電腦都可以正常上網，後來佢幫我關了我部電腦內的zoom alarm，我就能上網了，可能呢個防火牆 set錯左，阻止左上網功能，所以呢幾天上唔到網，而我阿哥用電腦時，佢又識得關防毒軟件，所以間中能上到網。

電腦整好了，我也復活了，Edmund叫我係facebook到玩古惑仔，呢個game有d似travian，要做工gain錢、買地盤同打交，好得意同有趣，以往我都鐘意睇古惑仔呢套電影，所以有d熟悉感。

前一日唔夠鲻，今晚12點幾就鲻了。

17-7-08(四)返8:00，外評的日子，上次固官只睇我半個鐘分組同5分鐘講故事，今日個官就睇番我全日上堂(我同黃老師一齊帶project – 光)，講故事10分鐘同埋集體遊戲10分鐘。

督學官訪問我班的幼兒時，恰巧訪問正全班最醒的穎宜，佢加埋家俊一齊答問題，我就放心了，個官問阿宜鐘唔鐘意返學，佢話鐘意，因為可見到老師，同埋可以玩老師同玩大肌肉活動，我問番阿宜，點樣玩吳老師。佢話可以(琴)上吳老師到，因為佢想我(咩)佢時，即使我企係到，佢能夠唔駛我幫手同埋唔駛捉住佢，佢能夠先跳上去捉住我條腰，然後慢慢爬上膞頭，跟住再肇高我隻手，佢就慢慢移位到我背脊後面，佢d體能真係好鬼(西)利，最近也被我訓練到做到30下引體上升。

放學就同我地老師、校長、督導一齊開會總結番佢地觀察後的結論。大致都ok，也通過評審，5年後可以學券。

開會後，我地班老師入曬廚房食西餅，飲下檸蜜，輕鬆下。

6:20leave，趕得切坐6:40車回家，一早同阿sir講了唔去學棋，因為預左外評完，d精神應不能集中，所以回家休息下好過。

7:30等緊水滾去沖涼，已伏下廳張䒷到鲻著左，沖完涼後就醒左，就上kgs捉棋，同第一個7k捉，不用讓子，都機乎捉到平手，後來行錯一步棋，死了一隻角，就輸了，其後同另一個日本7k捉時，我應win成百幾目，佢就走路，搞錯呀!咁冇品!不過日本棋手真係弱d。

又打日記同玩古惑仔，1:45開始執野，預備明天上珠海玩，2點幾先鲻覺。