車天車地 一個有好多回憶既地方!!!

106愛的鼓勵 0訂閱站台

8-8-08(六)我琴晚應該係第一個女仔瞓，但成晚都瞓得唔好，成日醒，係張床到一郁就會發出「EE牙牙」的聲音，所以唔敢亂郁，好驚嘈到人，Mandy四點上床時，我又醒了，但今次醒了後，我過好耐好耐後都瞓唔到。不過今次同Mandy同床就瞓得舒多了，因為我貼埋牆瞓，佢又貼埋床邊瞓，其實中間有好多好多位淨，諗起上次同Mandy、Pheobe係南Y島同床，果次真係迫到痴線，我瞓中間又唔敢亂郁，驚嘈醒人。

8:30起身，琴晚抽中單數，今朝要負責整早餐，但落到去都唔駛整，都係自己整番自己番麵包，夾下芝士同火腿，同埋飲柯華田。

第一個環節先分組靈修，講番待奉o既事，我都quit左teenzone，萍姐叫我考慮幫手alpha course，呢個課程只是三個月，其實我能應付的，不過我好似未有感動，加上我因為讀書同工作理由退出了teenzone，後來我想參加盟約時，牧師也要叫我考慮清楚先，因為驚讀書時間會相撞。其實我一d都唔積極去搵書讀，因為BDU一年有三季都會收生。校長問到我明年讀書問題時，我一直都話等IED後補位，但我一路都冇打電話去問過有冇位，因為我覺得打都冇用，因餘位時，IED就自然會搵人補位。不過其實打去問下留下名都好，但我就係唔積極。BDU比IED貴萬幾蚊學費，重要唔係honor degree。本身我已決定明年先報讀過，當然也有少少後悔早知IED收我讀大埔時，我就去讀啦!算啦!玩多年，hea多年。只怕玩創左個心，好難讀番書啫!

新宣教師家偉哥來到，佢好鐘意佢我地係咩職業，我俾三個選擇佢估，分別係sales、i bank、teacher，佢本來想估我係老師，但見到我頭髮o既顏色就能佢卻步了，最後佢都估我係老師，不過估左我係special老師，爭小小先中。

之後那個環節係設計心意俾四川居民，豪哥d雕刻唔錯wor!雕完d竹後，可以將餘下o既紙拼番個竹圖案，放落另一張卡到。

Joe、Phoebe、鵬嫂、念念、守怡也到來探camp呢!臨去食lunch前，影左張大合照，有成26人，很熱鬧呢，呢張大合照令我諗起04那張提團camp合照呢!當時Judy都係到。

Lunch食大排檔，雖然有冷氣，但都熱到死，跟住兵分兩批去惠康同百佳買今晚燒烤用品。

3點幾回會到渡假屋，我同Joe、Heath、寶文、家媛、豪哥、偉仔一齊玩「妙探尋兇」。呢個遊戲考推理同彩數，都幾好玩。

4:00分四組一齊各去砌野，我地分別要砌教堂、家、三道橋同公園，我同阿牛、媚媚、念念、守怡一組一齊去整橋。玩得呢D合作性遊戲太多了，一開始已經估到這活動目的是要合作，同其他組share物件一齊用等…

最後我們砌出來的城巿確實很美麗。更印賞公園組那些擺設同埋佢地攞了「妙探尋兇」o既公仔o黎做人。

遊戲完畢就BBQ了，天氣炎熱，冇乜心機燒野食，成日入番間屋到嘆冷氣，之後就睇香港先生，D香港先生真係笑死我，見到佢地有d成身肌肉人，都幾恐怖，其實成班人一齊睇，一齊笑，都好開心架!

佢地o既泳裝環節，濕水出來那刻o既動作好似賣沐浴露廣告咁，好搞笑!

睇到10點就要收野了，只係睇到少年組同成人組勝出者是誰，邊個贏都未知!收執完畢，我地唱詩歌，同埋玩遊戲，各人背脊都貼了一個人名，各人要去問三個人，背後人名者的突徵。

我去第一個問媚媚，我背後那人名的特徵，憑佢笑得好唔知點o既表情，然後答我勤力兩個字，我就估到係Chris了，跟住問偉仔，佢又係答勤力，跟住問Mandy，佢話你叫佢估野，佢會做。我就好肯定我背後的係Chris，結果當然我估中啦!

主持問邊個人好肯定背後的那人是誰，Heath同樣話佢從未試過咁肯定，因為佢話第一個人形容佢知，那個人說話簡潔，佢就已估到是我了，跟住第二個人話好數口，第三個人話做手工。

冇錯我說話真係好簡潔的。我一向都唔鐘意複雜o既事!

11點幾完活動了，跟住就回房休息，我、Mandy、穎心、Hazel、念念、力so一齊請教穎心點樣唱歌，穎心唱歌真係好好聽，同佢口中我學識了分辨唱詩班、和聲同獨唱o既分別。

然後沖涼、上床、瞓覺，點幾就睡了。