車天車地 一個有好多回憶既地方!!!

106愛的鼓勵 0訂閱站台

24-8-08(日)11:00起身，阿媽煮雲吞被我食，跟住執行理，12點左右阿何o黎我屋企樓下搵我攞番袋藥，因佢放病假前留在係學校，所以係星期四last一日返工時，佢叫我幫佢攞，所以個日放工我又攞藥，又攞衫、又攞西餅、水果(家長送的)所以d野重到死。

送埋阿何去街巿到撘小巴後，12:30先再番屋企執埋d行理。12:57出門口，行去太子地鐵站A出口，1:29就到，竟然可以準時1:30前到，我行得快左wor!勁!

我一去到，大王、細梁佢地都話我見衫靚!其實我都勁鐘意呢!之後大王同阿彭更話我衫上o既貝殼似針線包，睇落都幾似wor!

2:00準時開車，我同細黃坐，旅遊巴向河源出發。3點幾係已經係沙頭角過關，由於有個人過到香港關後，又冇証件過中國關，我地成車人都白等左佢半個鐘，佢都出唔到來，所以我地開車了。跟住我就瞓lu，差不多由4點瞓到5:30，6:00落車，未落車前已見到當地老師拿著紙牌寫位歡迎何小姐(詩姐姐)。跟住我地坐學校小巴去食飯，我地坐包廳，8:00時一邊睇奥運閉幕式，同埋間中欣賞江邊o既音樂噴泉，對音樂噴泉興趣不大，因以往都睇過。上次係澳門星際酒店對出睇時，已經覺得很好看了!相對起呢個汗邊o既音樂噴泉，雖然d水噴得高，但音樂、燈光同聲效卻不及澳門好呢!

睇到差不多9:00左右leave，跟住d老師話帶我地去買當地特產，架校巴開到一棟大廈前停低係到等，我地都唔知咩事，跟住大架私家車係校巴前面停底，跟住有個女人一車開左架商店俾我地入去，oh!!!原來d老師專登叫個老板返來開門俾我地買野，咁我地唔買多d野都唔好意思啦!(原來那間商鋪o既老板係佢地學生d家長。)

當地特產係五指毛頭，呢個藥材名我都係第一次聽，個個都買左好多湯料返屋企煲，但我冇買到，因我記得阿媽上次同阿姨去中山買左幾百蚊湯料都好未煲曬!

9:30去了一間按摩中心按腳，師傅按肩頸都可以，但按腳就好唔得，叫佢大力d，都仍然好細力，埋單連小費$58，貴wor!都係深圳好d!

10:30levae，回酒店，跟住我、大王、細黃、阿彭、細梁、詩姐姐一齊去酒店隔離間商鋪睇野，發覺佢地頭先買o既五指毛頭貴左15蚊一包呢!慘!我就買了一包獨立包裝雞翼(一包4隻)同雞肉(一包6塊)，兩句夾埋都已經14蚊，都唔平wor!

跟住返酒店lu，同大王一間房，我沖完涼係到睇電影，睇乾柴烈火到2點幾先瞓，最激氣o既係我睇到臨尾個幕，電視台突然出廣告，跟住再播番時，套戲就做完了，出字幕，真係o嘴，睇左成脕，竟然睇唔到結局，雖然套戲以前睇過，但今次睇唔番個結局就係唔抵!