24h購物| | PChome| 登入
2008-08-26 00:48:06| 人氣58| 回應0 | 上一篇 | 下一篇

河源之旅 第二天

推薦 0 收藏 0 轉貼0 訂閱站台

25-8-08(一)7:15起身，7:45到詩姐姐房唱詩同靈修，跟住8:30落樓會合埋當d老師去食早餐，食當地出名o既霸王花豬腳粉絲，d粉絲真係幾好味!加埋d胡椒湯底，唔錯唔錯!

跟住去幼兒園同當地老師交流，但那間學校正裝修，我地沒有參觀到，只係同當地老師交流同分享下教學心得。最開心o既係同其中兩個老師分享完教學心得後，佢問我地學校宗教o既事，跟住我就乘機講埋福音了，好耐冇講過福音，生疏不少了，但我相信有聖靈o既帶領，所以到最終我都能略將福音o既信息講俾佢地聽，佢地亦都對呢個宗教有興趣(其中一個老師話以前都有家長同佢地講過)，盼望神o既福音能傳遍中國。我也要好好裝備自己，為神的國努力。我呢中本年真係不知所謂，離神遠左好多好多，係時候回頭了。

之後去行鏡花緣，國家4a級觀光景點，我地先行差不多一個鐘路程先入到去睇歌舞o既表演場地，之後坐番小型巴士返公園大門，如果唔係呢個時候行山，我相信我呢個假期絶對絶對唔會行山，大熱天時去行山，真係未死過!不過當地老師踩著3寸高跟鞋去行山，相信佢會比我痛苦萬倍，佢地去到中途已放棄了。

不過呢個湖o既水真係好綠，香港o既東江水沿頭也在此呢!

2:00去食lunch，農家菜，我地係一間獨立小屋到午飯，都幾特別!

3:15又去行超巿，4:15去到巴士總站，4:30到上車，好野!可以返香港lu!大陸o既感覺真係好污濁，感覺好多塵同蚊。

5:00瞓到5:45，跟住比d小朋友嘈醒左，之後打NDS，7:15先到文錦渡，因為沿途都有小小塞車，過左中國邊境後，跟住有個海關再上車查証，跟住有個阿伯冇証落左車，之後又上番車，咁又遲左成17分鐘開車。來同回都咁多阻濟架!

8:50九龍塘下車，8:57上2C，9:10下車，跟住返屋企Lu!都係在家千日好!

我要檢舉
台長： 車人

您可能對以下文章有興趣

人氣(58) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文