車天車地 一個有好多回憶既地方!!!

106愛的鼓勵 0訂閱站台

26-8-08(二)11:30起身，1:30已到103巴士站，同阿爸阿媽一齊坐巴士過銅鑼灣，搵埋鸞姨、貞姨(同左佢地二姊妹影左張合照)、表妹一齊去小肥羊飲下午茶，6個人食了52碟點心，每人的平均值也不到10，唔達標。

跟住同鸞姨、阿媽、表妹落柴灣打牌，佢地隻迷利牧羊狗已經變到好大隻了。由5:30打到11:30，先打得8圈，坐到好鬼累。

打牌時，收到阿王電話，我一聽電話o既第一句就係話：「我袋野係你到!」，是關去大陸時，我同佢一間房，早上我明明有個記憶係個旅行袋到攞左個化娤袋出來，但轉個頭，入完廁所出來就唔見左，但我又有個記憶係攞個出來，之後我搵左成間房都唔見，除非間房有鬼啫，一係就我根本冇攞個個化娤袋出來，由始至終都係屋企。後來返到屋企又搵唔到呢個化娤袋，就知唔見左了，入面有支我好鐘意o既眼線筆，唔見左呢樣野我覺得最傷心，因為間鋪已經執左，買唔番了。好彩，原來袋野唔知點解去左阿王個旅行袋到，搵得番就算了。

12:30到，爸爸來車我地返屋企，送左阿媽返屋企後，阿爸又借架的士俾我渣，好野!又有車渣。

返到屋企都有認真捉下棋，3點瞓。

27-8-08(三)11:00起身，本來諗住下午染髮，咁夜晚阿lay就來整電腦，但係msn同Dranell 傾開，佢又叫我出去食飯，於是沒染到髮，坐2:05免費巴士落黃埔，同Dranell去食阿德廚房o既tea，$22o既tea，又好味又抵食，同埋呢餐由阿sir請，所以特別好食，thx!

Lay少又話4:00到我家整電腦，所以我坐番3:50架巴士返屋企，到我再問佢係邊時，佢又話4:30到，跟住話5:00，最後佢5:30先來，由於佢遲遲未到，我就同電腦捉棋，跟住佢叫我落去接佢，我話捉緊棋，叫佢自己上來，結果擾攘一輪後，我輸左2.5目，當係多得你個Lay爺唔少。最後我都係要落去接佢，查實你已經行到去電梯大堂，爭小小就行埋佢啦!

本來Edmund都話來屋企，是關Lay爺同佢講話要整到8:00，到6:30Edmund call我時，Lay爺因為7:00搞完，所以叫佢唔好上來，行下旺角，我地一陣落去搵佢。

結果整到6:50，我同Lay爺講叫佢幫我裝番隻眼仔，佢就拿拿臨走去關機，我再開番電腦，你又話一插個ubs就ok，跟住又話：「好彩!我識電腦」，結果咪就係冇個driver，你就裝唔到，跟住又話留番下次整。你個死仔，害到我阿媽同我大哥冇得係msn見，都唔知阿媽掛住個仔o既心情。

我話行路落旺角，你又話要坐小巴，結果用o既時間咪多左，重要sign d錢tim!
係兆萬會合Edmund後，本來諗住去大八食日本自助餐，但間野話9:00先有位，要等1個鐘頭15分鐘就實在太耐了，所以冇去到。

跟住諗住去沙嗲王，但又太多人，最後去了食潮州打冷，然後再發記食糖水。
Edmund都叫Lay爺上我屋企娤埋個眼仔，如果Lay爺上，佢都係陪佢上，但擾攘一輪後，竟然係Edmund話佢請的士上來，Lay爺先肯上，你個死仔Lay，等我送變形金鋼阿媽話阿爸o既一句話俾你先得：「you are so cheap!」

其實我又點好意思要你地專上來，就係為左裝番隻眼仔，況且Edmund明天都要見career。雖然Lay少你唔抵幫，不過我都會為你祈禱的，希望你能打破縮命。因為阿勝三十而立妻，Chris就三十而立家(有層樓)、希望你唔好中Edmund所講三十而立正(竟然只能立呢樣野啦!)

PS用HANA粉染番D頭髮o既顏色，因為已經脫色到太金了，染完效果好好!