車天車地 一個有好多回憶既地方!!!

106愛的鼓勵 0訂閱站台

28-8-08(四)同王子、Dranell一齊係msn傾一陣食Lunch o既事，Dranell掛住出notes，遲遲未答覆約幾點，跟住我又去kgs捉棋，對一個7Ko既棋手，行左好多俗手，最嚴重一步係自己緊氣，王子一見到我行民步，都「呀」左一聲，無情情就去死一隻本來活o既角，好彩對方睇唔到，放生左我。最後win21.5，我捉完棋時，佢地都有定案，就係去大角咁食飯，然後上Dranell屋企。

坐18號出大角咀，行上奧運站會合Dranell同王子，跟住又行番落滙豐中心對面o既神廚館食Lunch，早知食呢間就叫Dranell自己上去接王子，我係下面等，就唔駛又上又落啦!係奧運站行天橋過滙豐中心時，見到怪人(一個成日un腳，同會打開件衫係到抓肚腩o既人)向著我地迎面走過來，不過怪人當時低頭行路，所以睇我地唔到，佢一走左，Dranell就問我見唔見到，大家都時運低，所以見到。

神廚館係open rice一直好評如潮，當年讀CE時，已知呢間野，但就一次都冇食過，今日終於都可以試試，試左招牌名菜「煎蛋海苔窩燒墨魚餅飯」，都OK!不過最鐘意係佢d好醬汁，少少甜，用來撈飯一流!

飯後上左Dranell屋企，一開門，就見到佢d狗仔，但主人就講：「唔好掂、唔好摸!」o下! 唔好掂、唔好摸!難道d狗會咬人，問佢點解時，佢話摸完d狗，你隻手會好嗅，呢d咩主人o黎架!唔同d狗沖涼，佢地d指甲好長又唔剪、真係慘無人度。

5點半左右離開，坐3號小巴返棋社。

同係kgs 4K o既Eric捉，佢入侵我隻角，竟被我殺清光。後來佢投子，跟住Dranell又周圍話俾人知，我win了4K，咁到Eric唔開心，跟住阿恆又話要同我捉，唔好呀!我怕死呀!我唔想被人殺番。

本來Vicky話上來，但後來佢差不多7:00先call我，但我又差不多上堂，所以佢冇上到來參觀。

今日上完教打入，Dranell話專登等Kelvin唔係到先教，hahaha!
去了三洋茶餐廳食飯，食物ok價錢適中、d阿姐態度唔錯，最後又請我地試新菜式，一個唔錯o既新飯堂，只可惜d位太迫。

Dranell問起我同王子都本身都話帶個朋友出來，但最後都冇到，冇錯，我個friend冇來，但王子話佢個朋友有來(因msn時王子話會同風見小姐一齊食午飯)，跟住佢係到問人邊個叫風見小姐，，Dranell一直都唔知係邊個，重係到估，跟住細寶問佢有冇聽過雷神，佢都做未知風見係邊個。直到講番高智能方程式，他才明白風見係指「風見車人」，而我係「車人」，所以在下便是風見小姐了。其實都好鐘意呢個新稱呼，讀中文系o既王子，改個名都係好聽d!
返屋係又捉棋，成3:30先瞓，真係想死，星期六都要返工了，而家重唔搞番好d生理時鐘，都唔知到時點返工，不過唔怕，星期六只係返去搬課室，唔駛睇仔，所以唔怕恰眼瞓!

PS今日大家都留意到我變了橙黃色o既手指，無野架!我只係練功練到走火入魔啫!如果我唔死，就會長命百歲了!多謝大家關心!