車天車地 一個有好多回憶既地方!!!

106愛的鼓勵 0訂閱站台

18-12-09(五)放工去睇「鄭伊健友情歲月09演唱會」，同埋阿魚和佢男朋友一齊睇，好開心呀!可以見到兒時的偶像了，98年佢o既演唱會第一場係工開生日，更叫「22098鄭伊健全城效應演唱會」，當年我冇睇係我o既遺憾，而家要睇番了!

 

    咁開心係成個演唱會除左一首新歌我唔識外，其它全部我都識，可以跟住唱，亦勾起我好多中學時的回憶呢!會開收音機追佢做o既廣播劇，追電視劇、唱歌特輯，同埋會錄起佢地，剪佢o既新聞報紙，人大了，此景不再了。

 

      演唱會嘉賓有小春同舒淇，演唱會完時，我地encore佢都有再出來 ^^

 

 

19-12-09(六)放1:00係學校等Apple到2點，跟住我地去鳳城飲茶，然後坐小巴去火車站，轉火車入大圍，再坐多次小巴去佢屋企，原來焯賢以前教的培僑中學就係呢個村到，都幾偏僻。

 

    終於到了Apple的新居，最佢綠色牆好特別，加埋Sofa下的apple 咕臣就好襯佢了。

 

22-12-09(二)last一日返工，同d仔整焗西米布甸，呢個甜品幾好味同幾易做，但一想到個甜品係熔左成塊牛肉，諗落都幾肥。

 

  

   放工同Ken係蔡蘭食車仔麵，跟住去睇風雲II，套戲真係麻麻，勁失望。

 

 之後去麥記坐，佢幫我整部Notebook，我就用另一部notebook睇天水圍的夜與霧，呢套天水圍的夜與霧比起天水圍的日與夜好睇好多。

 

23-12-09(三)同阿王北上，去水上明珠按摩，跟住行街，見到一把彩虹顏色的遮，已好想買了，但而家唔落雨，唔端端買把遮來拎好似好麻煩。結果冇買。