車天車地 一個有好多回憶既地方!!!

106愛的鼓勵 0訂閱站台

8-7-07(日)琴晚接近3點訓，一早起身唔夠訓，腳步浮浮，一問露台門時，就撞埋落自己額頭到，好鬼痛，有d腫左。

就o黎返到教會時，先見到自己著拖鞋，死啦!著拖鞋點今晚點開車呀!一係3:00開完會後返屋企換鞋，事關我約了Ackie4:00，有時間走棧。

返午堂鳴鐘時，又太趕，我拿左名牌、場邗、勞工手套後，趕唔切坐電梯上5樓，咁我就唯有跑樓梯上天台去鳴鐘，d名牌、場邗都未攞左袋就即刻鳴鐘了，只靠右手去拉繩鳴鐘，我那刻已意會到我有機會拉親條筋，但呢d傷通常唔會即時知的。

崇拜後，同Mandy一齊去會議室開華英summer camp會，我今日睇場邗先知華英summer camp既時間會有另一個類似Taize 模式既camp，如果唔係一早答應去華英summer camp，我會好想去Taize 模式既camp lor。

我到3:15，跟住決定冇返屋企換波鞋，已改去旺角買對斯文鞋(因為對到結業禮時，我係咪都要著得斯文d，所以都係要買埋對斯文鞋)。

3：30左右時，收到Ackie電話，佢話4:15便要答車去西環了，所以而家想即時見我，傾陣計，於是我就行返去通達個路口到等佢。(好彩冇行返屋企攞鞋啫，如果唔係會唔湯唔水)

同Ackie一齊行去弼街到坐西環小巴，同佢傾計真的好開心，佢係一個好好既導師同朋友。

送左Ackie上車後，去了聯合睇鞋，但醒後自己冇錢係身，於是行返去始創到’禁’錢，係油站位到撞到寶文，佢話要去尖沙咀通利到睇結它，佢真係好鐘意結它wor!

攞錢後，行去旺角中心會合Phoebe。買完鞋後，同Phoebe去雅蘭間Carlifornia買入會價，佢既價錢比起我當初入會貴好多好多，我記得我問一人入會價時，那時好似around300一個月，後來講數成功，傾到而家大概230一個月(大過係用二人plan)，但而家Phoebe既月費係要俾499入會費，同埋要over既月費，最佢Phoebe冇入會，跟住我地去了KFC食新出既黑椒雞，都幾好味Wor(基本上我咩雞都會話好食架啦!因為我鐘意食雞)。

跟住同Phoebe行一陣朗豪坊，行去完toilet時，Phoebe發現佢遺留了鵬嫂送給她的熊仔，跟住我地跑番去KFC搵，好彩袋野重係到，真係要感恩了。

6:40我坐MTR九龍塘學車，我6:55已到了，阿湯都未到。今日行幾路線同上一條唔同，同埋學了將架車調頭，有D深WOR，未能即時化。

學完車8:30，出番旺角搵Phoebe一齊食Itlaian Tomato，我有d飽，食唔落一個餐，所以只食左一件new york cheese cake，cheese cake實在太漏了，好快濟。

飯後行多一陣西武就走了。10點幾回家，1:00先sleep。