車天車地 一個有好多回憶既地方!!!

106愛的鼓勵 0訂閱站台

1-5-08(四)9:30起身，十點三到出門口，行去旺角再坐小巴入西貢，上小巴前，已收到Frank電話，話西貢有交通意外，會封路，但我又冇猶豫就咁上小巴，因為我估有kelvin佢地住馬鞍山個d人，係咪都會入左去了，改地點都改唔切架啦!照上車吧!

上去車停到小巴收音機講緊西貢發生o既交通意外，我以為司機會改路入西貢，但佢冇，照由彩虹果邊入。

本來諗住上車時可以瞓陣，因琴晚只瞓得8個鐘，唔多夠，但又瞓唔著，咁就聽下隔離那個人同前面兩個青年人o既對話，有個女仔講佢做緊地產，可以點炒樓，同埋佢話對經紀好，有好料都會放下水。

11:00Dranell打俾我話佢考慮緊坐火車入沙田去入西貢好，定係坐小巴。之後我再聽收音機講話發生意外o既旅遊巴意外由十幾死，幾十傷，之後d人問司機會塞幾耐，司機話佢開車出旺角時都已經發生了意外，佢估計會塞幾個字。於是我打番電話講俾Dranell聽叫佢坐小巴入吧!坐車時太得閒，不斷send sms俾同台o既Vicky、Edmund、力So、家媛，講下呢件意外。

係迴旋轉時見到有好多消防車、救護車，意外現場仍未清理好，見到此情景，有d心up，可以做o既就係祈禱。11:20入到去，call king，跟住行去碼頭那邊見到阿恆，跟住就見到阿king佢地了，上到個亭時就見到Kelvin同傻狗係到捉緊棋。呢個亭有人係到捉圍棋，有年青人係到用撲克砌三角形成一個大三角形，有菲傭係拿著西音機，呢個亭入面真係咩人都有。

Frank同阿泓朲來到，佢叫我同阿king去行下，我地逛下海旁，我以往都未行過o黎呢邊，原來呢邊好多海鮮擋。跟住差不多12:00，Dranell打來，話佢同Wilson佢地都到了，我地就返去巴士站個邊會合，然後兵分兩路(惠康 + 街巿)去買野食BBQ。我同Dranell、傻狗、阿恆一起去惠康，買完野時再去電器鋪買一個可以點火o既儀器，並見到新聞佈導緊旅遊巴車禍的消息，原來佢係一個道教團體，之前收到edmund sms話旅遊巴載著的人是教會，我還以為係基督教，不過呢d不幸o既消息，總令到人o既心情有d野，這大慨就是人的惻隱之心!更何況我途經過現場tim!

我地一行人九人(我、Dranell、Frank、Kelvin 、King、Wilsin、Chole、傻狗、阿恆，因為阿泓要2:00返到公司，所以佢入來一陣，幫手買埋野食就走了)，Wilson話我地係九男女一齊坐的士去搵燒烤爐。

坐的士去到大網仔巴士站迴旋轉時，發覺個到一個爐都冇，我地沿路行番上大網你二號燒烤場，果到就一個人都冇，所以我地包BBQ，跟住我、Chole、Dranell、Frank一齊去洗食物，返到來時就見到傻狗又同Kelvin係到捉緊棋，真係勤力，但呢個BBQ活動真係好特別，因為我地係郊外捉圍棋，加埋個古箏，就好似古代咁了，重可以賞花撲蝶，不過呢到蝶就冇，未變蝶o既毛毛蟲就好多了，燒燒下野食時，d蟲會跌落o黎，真係好鬼恐怖。我唔落個身到就算了。

後來更有隻都幾大隻曱甴係個爐底就出來，可能燒左佢間屋，佢要出來呼吸新鮮空氣。跟住Kelvin話佢都試過食曱甴，話說佢有次飲可樂時，飲飲下咬到硬塊，佢重以為可樂有沈澱物，拿出來睇，原來係一隻曱甴，好嚇人呀!

2點幾開始燒烤，燒到4點幾，我就開始捉棋了，首先我同Frank一齊對傻狗，阿Frank捉完就到佢妹妹Elise同Kelvin捉，Kelvin讓佢十三子，其他人係到教路，阻止妹妹被人蝦，激到Kelvin死死下，我同傻狗捉了兩盤棋，頭一盤我win，第二盤捉到差不多6:30，而佢地又收曬野時，Dranell同阿恆就過來不斷提我地行埋d收官棋，變相兩個阿sir係到捉棋緊，不過呢盤我輸了。

收拾後影埋張大合照，我地就行番去迴旋處個邊去下廁所，再坐的士出番西貢去了甜品源(都幾出名，好多名星去過)食糖水，我叫了個芒果河粉。d河粉好淡，冇咩味!

8:00到坐番小巴出來旺角，再行番屋企，跟住搵阿Gerr一齊打羽毛球(因佢下午打過來問我打唔打)，佢打埋佢隔離屋個鄰居阿豪一齊打，原來阿豪搬左o黎6,7年，但我一直都好似冇見過佢。

今日真係累死又BBQ，又打羽毛球，不過我就係想靠打羽毛球o黎消耗番d食物，但其實我今日都唔係食左好多野(因為掛住捉棋)。

打羽毛球時， 我為左救波，石產左落地，察損了手腕和撞瘀了盤骨外側。真係誇張。