車天車地 一個有好多回憶既地方!!!

106愛的鼓勵 0訂閱站台

雯6-12-08(六)早上返工，12:30早走，代表學校出席阿何o既婚禮，坐小巴出尖沙咀，跟住坐地鐵去金鐘，我又冇帶帖係身，同埋我一直以為觀禮地點係考St john棟building，好彩打電話問一問阿黃，先知原來棟biuilding係坐艦車個到。

 

    排隊等電梯上樓都等左好耐，因為前面d婚禮未完，上到樓時，又時要再係個小房間到等，我起初重誤會左呢間房係用來行禮，到入面禮堂時佈置都ok la，比起婚姻註冊處靚，不過我始終都係教會行禮最好，一來係教徒，二來係教會會有多d時間同人影相，唔駛被人趕。

 

    本來1:30行禮，結果係延遲左先開始，跟住諗住同d人落香港公園影埋大合照先走，同阿何係下面等左好耐都冇人，原來好多賓客都已經走了，到2點幾時，我也走了，去左搵Phoebe、鵬嫂係蘭桂芳到食泰國野，跟住同鵬嫂返團契。

 

    4:00團契，好耐好耐冇試過星期六返團契了過，以往d星期六好多時去左training，跟住學校又open day，又要忙，反而可以返到星期日o既團契，今日4個導師阿鵬、鵬嫂、家偉哥同實習習學生，團友有我、Vicky、Chris、偉仔、寶文、穎心同C妹。

 

今日週會主題係講番今年感恩o既事，原來今年我最感恩o既係可以係巿區ied讀degree，起初大埔ied問考慮讀唔讀，我又reject，到後來有d後悔時，以為會再拖多一年先讀，跟住大埔ied又話開多一班，那我當然願意讀(但其實路途超遠)，跟住重叫d小朋友幫我祈禱希望巿區(也明知是無可能，最後其實呢個代禱都冇祈到)，下午又收到ied電話話大埔那班改為係巿區上堂，可以慳時間同車費，真係開心死我了!真一早預備了我所需的，thx god!

 

係團契感覺唔到一種熟悉感，可能熟悉的團友不在了，一種相熟o既感覺都冇了，係有點兒失望吧!這也是自己的問題，咁耐冇返，未投入到。也感到自己o既靈命低落，好想裝備自己，舊年讀紅色門訓係一個好o既途徑，好想查經，好想返下主日學，我應該為神做番d野，年初入左teenzone幫手，只係留左幾個月，我諗我都係唔適合一d長時間o既委身侍奉，反而同d初信者上下八課都幾好，阿jean同Millie o既八課都未完，好啦!出年要同佢地上埋個course先得。

 

團契完後，幫手執團契櫃，因為菲律賓團契要用呢個櫃，係個櫃到執番好多垃圾出來，當中包括好多過期的零食，睇番d團友記錄表時，發覺自己o既筆跡唔同左，同埋當時填表時我都未洗禮。

 

7:00leave，係油麻地地鐵站車頭到等大王，一邊等一邊打NDS，最後我地都係金鐘先一齊會合，因為佢係車箱到行唔到去車頭。

 

係金鐘會合阿王再上車時，一上車見個到個企係門口，已經覺得佢好似Heath，後來Heath主動叫我，真係巧合，咁都撞到，佢去演藝睇show。

8:00前到時代廣場o既鴻星，今日飲呢餐係飲咁多次來最開心o既一餐，可以同阿Lo、阿Ben佢地係到玩gag同埋問題答，氣氛很好呢!

 

飲完同阿葉一齊坐109過海。阿葉粗身大細都走去追巴士，真係辛苦佢，佢話佢見到前面有人追佢先追，否則都不追，其實如果佢唔追，我都唔會追，因為距離巴士站實在有一定距離。

 

7-12-08(日)係教會攞番櫃桶仔走，諗住攞番學校俾d仔做圖工櫃。跟住去「藏」等瑩瑩食Lucnh，然後一齊去做facial，做完facial去蘇蘇青衣o既屋企「藍澄灣」，5點幾去到時，Joey、焯賢、Kelvin、Amy、小保、蘇蘇、阿恆已經到左了。

 

    蘇蘇屋企竟然冇電視機，真係不能至信。

 

    玩到7點幾，出番青衣打邊爐，得番我、Amy、Joey、焯賢、蘇蘇同阿恆打邊爐，Joey、佢地蘇蘇同阿恆三個成日係到講番棋界o既人同歷史，我地三個真係悶死左，食到10:30leave。