車天車地 一個有好多回憶既地方!!!

106愛的鼓勵 0訂閱站台

10-12-07(一)返9放6，7:00學圍棋，單對單學都幾好，因為可以問多d好多d，阿sir先改手筋100條條，跟住覆棋譜、同阿sir捉棋(讓我13子)，跟住又同深明sir捉，佢話我好有刹力，都俾到佢有d壓力，阿sir話我同佢好似，鐘意刹棋，呢個都係女棋手特色，我話我係亂行，佢話我o既第一感都幾準，落到手筋，緊係啦!睇左咁多書，同埋做左好多手筋練習條，10:00leave。

11-12-07(二)早上採排聖景，同事話d走位時間小，要調(教)長d，但係音都已經錄好了，小朋友都練慣了，突然間好難改，同埋佢地有幾個人放了幾日病假，今日先第一日返o黎，所以走唔慣位係正常。我唯有再同佢地練習時，提佢地行快d。

博士d帽唔夠挺，校長叫整過，咁我都覺得係，所以整過啦!

突然間覺得好多野做，一o黎有聖景，二o黎又有open day，好頭痛，要整博士帽、日歷d相、腰線，做咩咁多野刹埋身?

感謝主，lunch時，有實習生o黎幫我手，佢幫我整博士帽，咁我就可以整少一樣野。

阿lo建議腰線剪灣灣地，但好難剪整得齊，所以放棄了。

放工繼續留係學校做野，陽陽爸爸見我要介腰線都好辛苦，佢提供我用電腦整腰線，佢可以幫我用laser jet printer幫我print，呢個真係一個好建議，於是我改用電腦設計腰線。並交了圖給陽陽爸爸幫我整走d格仔，7點幾走。

返愛民同阿媽食大快活，今晚好疲累，有d頭痛，所以11點幾就睡了。

12-12-07(三)上午線聖景時，校長話d歌聲收得好突然，冇咁好，改番用音樂收細會好d，不如你去改啦!你知唔知執呢段音樂+錄音，我執左幾耐呀!又要夾音樂，夾走位，又要cut番錄音時o既雜聲。

lunch時收到陽陽爸爸send給我的腰線，有同事都覺得ok，但有同事就覺得d色沈，呢個打激又好大了，死啦!重要sign左人地爸爸既一番心機，早之我唔問人意見啦!堅決d自己決定啦!現在唯有改變唔用呢d腰線啦!好唔開心，好想喊，覺得人好煩，好多人都會俾意見你，但你地知唔知做那個人o既辛苦?其實都係自己唔好，我要學下自己渣得定主意去做野。

幸好替工黃老師佢自動請英，話會幫我手，感謝主當我有難時，你都派人幫我。但我都依然好苦惱，一諗到有咁多野未做到，都好煩，個頭都有d痛。
同阿彭、陽陽爸爸一齊係學校做野，做到8點幾。

買肯德基返屋企食，因為好想食，同埋心情唔好，我要好好獎勵自己，俾自己有番d開心既原素，但呢個原素都唔夠work。

13-12-07(四)放工同黃老師一齊坐巴士出旺角，我去學圍棋，係棋社坐在陣，跟住Phoebe都去到隔離間蛋糕店，我就出左去搵佢。Phoebe搵唔啱材料，跟住走了。

今晚個個都遲到上堂，阿sir話打親俾每一個人，個個都話下樓下，睇o黎樓下都幾大。

上堂前，見joey係到研究國際象棋，我叫佢教下我玩，跟住我同佢捉第一鋪，我竟然贏了。

今堂學官子，官子既計算方法太複雜了。

14-12-07(五)放工，同Phoebe、鵬嫂去食晚飯，跟住上門訓。上完門訓走時，又剛剛撞正和聲練完歌，見到人個人係鐵閘口同我揮手，原來係Mandy。