車天車地 一個有好多回憶既地方!!!

106愛的鼓勵 0訂閱站台

15-12-07(六)今日小朋友係黃埔船景街既嘉年華會表演聖景，好彩有阿鵬同嫻姐幫我手，我漏了3樣野(約瑟的帽、瑪莉亞個肚-波、同埋咪)重要呢幾樣野係人地提我，我先知自已冇了，好彩有嫻姐我返學校攞。辛苦曬，唔該曬!!

2點幾表演完，返學校執野執到3點，跟住請嫻姐去食下午茶。

之後4點幾出到太子，諗緊好唔好剪頭髮(好唔滿意d陰)，後來都係決定唔剪住，因為可能1月再去電負離子。行聯合，跟住Phoebe call我，原來佢打算染頭髮，佢染頭髮前o黎同我一齊行下街，6:00我就做facial，做完facial，坐地鐵去尖沙咀，行去海港城，同阿霖一齊食麻布茶坊，跟住行下街，而我也買了一個agnis b既銀包，呢個銀包o既size好特別，佢介乎於d大銀包同一般size銀包既中間，就因為呢個原因，同埋佢又係金色，夠搶眼，裡頭擺卡o既設計都ok，於是就買了。

成10點，海港城d鋪頭都收曬工，跟住我地去了中港城到坐，等到11點半到，Alex飲完，先由佢渣車送我返屋企。

16-12-07(日)返午堂崇拜，1:00諗住同阿B上八課，但我唔記得book房，所以冇上堂，我地一齊join埋其他團友仔一齊去好彩飲茶，2:00返團契，團契週會講奉獻，由曾sir28show既曾志英主講，睇完呢個video令我諗起我要有一個好好plan去投資，我也要留番d流動資金，以防不時之需。同埋也提醒左我，我只是神的管家，管理地上既財庫，我奉獻番十分一只應當的，也可以用奉獻來試驗神(唯一可以試驗神o既野)，睇下神會否為我預備更多。

5:00去newaycity唱k，個地一個兩個遲到，離抱呀!而Joyce也去錯了金鐘，因我同佢講newaycity係以前o既金聲戲院隔o黎，佢聽左金鐘。一.一…

今晚唱k有Joyce、Kathy、Fion同阿清，我地唱到成11點先走。

18-12-07(一)返8放5，好耐都未試過返早，其實返早都幾好，早左起身，早d收工，感覺上多左好多時間用。

早上同班仔去香港公園參觀溫室，點知出門時仍有下微微雨，我地行上去旅遊巴同落車時，都仍有雨，希望d仔唔好病啦!入到香港公園溫室，發覺自己從來都未o黎過，去睇仙人掌個層都幾好睇，d仙人掌幾高、幾靚，幾特別，之後再去到有瀑布個層，突然間諗起以前F3，曾經同Joyce、Kathy、梁至芳一齊o黎過呢到影相，做IS project。但係呢個展覽館當時好似關了門，於是我地去左動植物公園那邊到影相。

放工繼續留係學校整野整到6點幾。跟住買肯德基回家食。回家又係到捉圍棋，輸左2鋪，又冇d挫敗感tim，不過我都想信左我進步了好多，比著以前，我會輸得更多，1點sleep。

19-12-07(二)放工繼續留係學校整野，因為open day迫近，本來7點前走得，但阿彭又未走，於是等埋佢七點幾先走，趕唔切撘7:30o既車，諗住去麥當勞買shake shake薯條，點知前買薯條，要加1蚊先有調味料，於是冇買到，去了巴士站等8:00車。

夜晚係屋企叫到食飯枱上有一個兜(join)了二棵lego o既葉，我先讚我呀媽叻，幫我執得番d lego，阿媽話果d唔係lego，係d小玩具，佢重將一棵花插了係花盤到，如果唔係諗到插係花盤到，一早拋棄了，下…咁都得…一諗已經覺得好搞笑，去見埋棵lego花插係花盤到就更加搞笑。