車天車地 一個有好多回憶既地方!!!

106愛的鼓勵 0訂閱站台

29-11-07(四)放5:30，學圍棋前，去左Starbucks 買左杯拖肥咖啡，d味就好聞，但飲左就麻麻，因為我對咖啡都真係麻麻，上堂前同killar捉棋，佢話讓我90子，跟住Frank都返o黎，我地一齊對killar，到阿sir都返埋o黎時，佢話盤棋做得幾好，多謝讚賞!

上堂，今堂玩覆棋，都幾好玩!跟住就再同killar捉棋，捉到尾時，阿sir教我行，話要教下killar，killar就輸了，hahaha，睇到killar o既表情真係好搞笑。

之後我、killar同阿sir一齊去食飯，去西門町，點知佢冇曬d平價既餐，以往係飯+飲品都唔駛30蚊，但而家飯+飲品，是以加10蚊以外既差計，我終於體會到物價上漲o既影響，以往d零食加價，我最多係唔買，餐廳加價1、2蚊都ok，但呢間野既加價太多了，以後唔幫襯呀!

Killar真係好搞笑，佢本來想講一件事，但講講係就話都唔知自己想講乜!我同阿sir聽完，真係呆左，我地就真係唔知佢想講乜了。

突破對d初中o既學生有d好感(因為killar好得意)，這對我將來幫教會o既teenzone活動，可能係一件好事。

30-11-07(五)放工同阿蒙出了太子，我係繽紛到買左兩束乾花，用作聖景的馬糟用。跟住坐地鐵返教會上門訓。

放學時，Phoebe叫我去食野，因為知我趕住返o黎上堂，只吃了幾件煎鑲三寶，其實我可以唔食，當減肥lor，但最後都係去左，諗住去家樂食板前，點知咁夜都重有咁多人，跟住去了行街，因受Phoebe感染，我都買了一件閃閃魚網衫，同埋一對boot，對boot係鋪頭看時是灰色，在燈光下看有點紫色，回家看就更確定是紫色，一個我在冬天喜愛的顏色，that’s great。

1-12-07(六)放12:30，坐船去中環，然後去鵬嫂公司既鑽星private sale，但睇唔啱，冇買到，跟住同Phoebe、師妹，再會合埋寶民就一起去食越南野，間野都幾好味，就係我係公o既靈堂果條街對面。

之後我到坐的士去APA，因Phoebe要買冰上皇族天鵝湖o既飛，因為canon贊助呢個節目，而Canon員工，可以用$155買到飛原價$595o既飛，而我個朋友係canon到做，我見咁抵，所以我也睇。

然後再一齊坐的士去銅鑼灣，會合埋鵬嫂，再等埋鵬嫂o既同事、媽媽及邦邦等，就一齊行去大球場，人地7:30先開場，但我地5:30就到了，因為聽d人講琴晚果場好多人，d人冇位錯，便要去對面南華會o既石地坐。好彩我有本圍棋書係身，所以有書野，同埋可以訓下覺，而佢地就食下野、織下頸巾。真未試過為左一個節目，竟然早到2個鐘。

睇場刊發現有林思漢表演(以前學校一個迷到好多人o既師兄)，大會o既千人師班，場面也很壯觀，但更壯觀的係睇到好多聽完葛福臨講道，已決志信主的人由觀眾席下來中間o既草地，睇見連綿不絶o既人走落草地，見到咁多人吷志信主，真係好讚嘆神o既作為，哈利路亞，神是應當稱讚的，天上地下一切榮耀權柄都歸於上帝。

9：30leave，阿lay肯離開屋企幫我手整電腦，真係極之感激呢為弟兄，因佢成日當幫我整電腦。今次電腦中毒，我重以為要format部機，幸好最後只是唔俾某d程式上網，然後就洗左呢d毒。

之後我都有上KGS捉棋，搵左個人捉棋，估唔到那個人就係肥哥哥，佢認得我個nickname，但我就唔記得佢個名(係呢d人o既名不值得一記)，佢第一盤認輸，第二盤我就輸番比佢，佢都話我進步左，不過佢話佢自己仍然強d，我話佢第一盤認輸是認輸的，跟住佢話係佢冇認真捉，呢個人咁都得，輸左冇認賬，太冇棋品，搞到自己好激氣tim，calm down、calm down唔值得為呢d人咁激氣。