車天車地 一個有好多回憶既地方!!!

106愛的鼓勵 0訂閱站台

25-10-08(六)超累啦!連續兩晚唔夠瞓，本來諗住放工回家瞓下覺，然後黃昏先去樹巨o既生日會，但係早幾日Vicky問我下午得唔得閒時，佢話邀請我去食佢o既生日蛋糕，佢約親我，我都咁啱有野做，今次佢生日咁大件事，點都要蒲頭。

    放工後，留係學校做野做到2點先走，出尖沙咀，去翡翠拉麵小籠包到開位先，等Pheobe、Mandy、鵬嫂，Vicky、同阿鵬o黎食飯，Pheobe、Mandy今朝開完鵬嫂公司到睇鑽石(鵬嫂係寶石公司做，公司有時會有private sale，去佢到買鑽石好抵架!)佢地都冇收穫，反而師妹個朋友用左6折o既價錢，買左隻千幾蚊o既鑽價就好抵了，因為好少會俾折俾咁多。

 

    飯後，本身諗住去Cova食蛋糕，但Cova太多人了，我地攞走個蛋糕，改去eutopos呢個café切餅。 

 

行去café途中，富豪雪糕車有免費雪糕，只要你排隊聽一聽買LG手機姐姐介紹一下個新手機就可以了，我本身真係想買手機架!加上又有雪糕吃，就當然過去聽啦!

 

     同Mandy影相時，佢好搞笑咁攞埋café本明星相簿來影相。

 

    上次食Cova朱古力蛋糕時，我覺得好好味，但今次個件蛋糕可能太大件了，所以又覺得唔係太好食，同埋d蛋糕好似有d散，有d(鞋)。

 

    係Café食野時，Phoebe話隔來枱d人好熟面口，應該以前同Form，我望落都覺得好熟，後來我去完廁所，正面望隔離枱d人時，我認得他們是紀韋健同曾守彥，我同Phoebe講時，他也都記起了。

 

    6：00leave，坐巴士返落黃埔麥當勞，去樹巨o既生日會。

 

    係生日會上，又同d家長social，家俊媽咪話成日打電話都搵唔到我，同埋話我個電話留言好得意，話去左少林學武功。其實我返ied時，有d課室係收唔到電話的。而佳俊阿媽就好醒，話唔係太敢打俾我，因為我已經收左工，傻啦!我都明知你要返工，平時未必有空打電話來學校問我野，所以我都照同你講，你係特別case，唔介意你打俾我的。(佳俊媽咪真識體量人，知道人地放工就唔好打電話俾人呢個道理。)

 

     坐7:30車回家。本身想早d瞓架!但係又好鬼勤力咁做埋份英文功課先瞓，因為明天都去迪士尼玩，今晚唔做，明天又做不到，那麼到星期一先做同send份功課俾miss，又好似太遲了，事關星期二就上堂同test了。

PS今日連去兩個生日會