車天車地 一個有好多回憶既地方!!!

106愛的鼓勵 0訂閱站台

7-8-08(四)放工留校做到7:00，做左成粒鐘cut結業禮o既詩歌，就係為左要cut頭cut尾，其實我6:30打電話問過蘇明，睇佢想點帶，佢話9:30先覆我，到佢覆我時，原來我唔駛cut d歌，佢都可以係過場時講野，早知我就慳番那一個鐘做其它野啦!

放工去了麥當勞買雞翼餐，同埋最緊要係買杯意大利咖啡奶昔o黎飲。

8-8-08(五)北京奧運會開幕大日子，早上全校幼兒一齊係大肌肉室唱「We Are Ready」很熱鬧，今屆奧運係祖國北京到舉行，感覺與自己關係密切D，都希望今年奧運能順順利利舉行，比外國人知道中國係「掂」既!不過始終唔係係中國長大，對愛國情懷都係爭D!

小朋友瞓覺前，我同佢地講我遲d會入大埔讀書了，希望佢地為我祈禱，但我可以去巿區讀啦!其實我都幾妄求，人地ied都話開多班係大埔，無情情又點會可以去番巿區讀，除非有人退學，而我又好好彩地被簡選吧!但後來我地都冇祈到禱，小朋友就去了瞓覺。

Lunch覆ied 個留言電話時，佢話而家巿區開多班，問我讀唔讀，我再問佢一次係咪開巿區，佢話係!跟住佢叫我呢幾天預備定萬四蚊交學費。太開了，竟然開巿區班，合曬我心願，又唔駛等多一年先讀。耶和華真係勁!我未開口祈禱，祂已應允了我，為我預備。感謝你!

放工返愛民，攞左個眼鏡去整，因為今朝我撞左落對門到，搞到佢歪左。視光師幫我整眼鏡時，我地又係到吹水，原來佢都係愛民街坊，跟住佢話佢8號風球那天返了打陸按摩，佢話我知邊d按摩地方有另類服務，所以同男朋友去時，記得要同一間房按摩，否則佢可能去了其它地方。

PS夜晚發覺銀鏡柄唔見左兩粒水晶，因為視光師幫我調校好眼鏡後，攞去洗，又搞到第二次出事，上次又係係呢到洗完，掉了一粒水晶，但那時還在保養後，可以免費加番，但佢今次，洗走了我二粒水晶，重要一邊一粒，er…

等8:00睇奧運開幕，開幕儀式o既倒數方法很特別，很齊整，有2008人一齊點燃了“缶陣”。缶陣以光波的律動，在滾雷的節奏聲中，由發光的缶面連續閃出60、50、40、30、20、10字樣。最後10秒，缶陣的擊打節奏、加上缶面上連續閃出巨大的9、8、7、6、5、4、3、2、1字樣，配合著全場觀眾的激情吶喊將倒計時掀向最高潮。

睇中國56個小朋友拿著中國國出場，並配合一位可愛的女孩以她動人的表演和歌聲打動了全世界的觀眾。(但後來披露，這位演唱’歌唱祖國’的女孩林妙可在台上是在假唱。天使般的歌聲實際來自一位叫楊沛宜的7歲小女孩。楊沛宜沒能亮相開幕式是由於她的形像沒有9歲的林妙可那樣’完美’。真正唱歌的楊沛宜則表示她對沒能在開幕式上亮相並不後悔。開幕式上有自己的聲音已經很滿足了。外貌真是那麼重要嗎?)

不過繼續睇落去，有D都覺得悶，開始瞓著左，後來睇到，“活字印刷”這一幕就醒了醒，這環節由897個訓練有素的演員的表演。(活字印刷是古代中國人對世界的巨大貢獻，中國人真的很聰明。)
太累了，跟住去了沖涼，沖完涼重見到D運動員進場，睇到10:45就瞓了。