車天車地 一個有好多回憶既地方!!!

106愛的鼓勵 0訂閱站台

15-7-08(二)今天開左部OHP俾小朋友玩，佢地可以用身體來製造不同的影子。

高班下午2:00去去畢業典禮探排，葉老師則返下午，佢話買了雪糕請我地食，我第一句就問佢，你要走啦!佢笑著回應係，唉…!都估到了，無情情有野食，一係有好事發生，一係就是臨別的食物。

佢話將會去朋友的學校做助教，返星期一至五，6子時都有七千幾。
下午葉老師出了電腦室一齊做野，阿何又同佢玩安基傳統新人遊戲，就係排老師o既年齡大細次序，我地7個老師中，佢排中了4個都算合格，只是排錯了我、阿何同細梁。

打project report時，見到昨天派給幼兒同家長一起做的功課，真係笑死我，題目係請寫下能透光的東西和原因，竟有家長寫膠樽能透光，因為電筒照膠樽時，光能透過膠樽，又有人答我石頭、人不能透光，因為他們不是透明。...完全佢問非所答呀!

個lunch就好hea咁打project同傾計，d仔起身後就同佢地睇toutube，睇下「you are ready」呢首歌o既MV，記得舊年香港回歸10週年時，成日同d仔youtube聽「紿終有你」，話咁快就一年了。

放工5:00，係到執下課室，打埋外評當天的教案，6:30leave，坐小巴出佐敦，約左買家賣礇豐個封禮物換領信，封信本來可以換一部價值$799o既電話，早排電話壞，諗住換來用，但而家個電話整番好，封信就索性賣左怇，咁都可以gain$450，yeah!約左買家係換領站到等，我係換禮站樓下等埋Kelvin就一齊上去，呢個禮品換領站比起旺角家樂o既換禮站少好多人。

買家係用佢朋友封信再夾埋我封信來換dvd錄影機，我問佢點解唔自己申請張卡來換禮品，佢話佢已經申請了卡，並換左部電視機，跟住佢朋友又多一封信，所以佢想埋dvd機錄機，於是同我買信了。

唔駛10分鏡就已換左禮品，跟住同Kelvin行番去工聯會，差不多7:35到達工聯會，我地都夠時間捉一盤棋，但就冇時間同人捉指導棋，是關我地去到時，大家都已經開始捉緊棋了。臨落堂前，阿sir安排了一個學生同我捉13x13，不用讓子，捉得輕鬆多了。

下堂阿sir冇得再係工聯會教棋了，冇得再上來免費捉棋tim。

阿sir叫了三個工聯會同學仔去參觀棋社，跟住我地係棋社到hea，8點10Elvis話去位食飯，今餐又係潮樓，連續食了近一個月，大家都煩了。希望下次改下地點啦!

飯後同Dranell、May、焯燃、Kira、蘇蘇、Kelvin去了麥當勞食雪糕，最有得益係Kira 啦!有焯燃呢個數學阿sir教佢做數學暑假功課。

食到11:45走了。返到屋企，見到阿哥上到網，於是沖涼先，然後玩電腦。又玩到成3點先鲻。