車天車地 一個有好多回憶既地方!!!

106愛的鼓勵 0訂閱站台

7-10-08(二)琴晚12:00瞓，今朝10點幾起身，可以睇到陳奕迅演唱會同愛君如夢電影前段，本身都好想睇埋，但又約左Dranell同焯賢去大角咀食七記，所以11點幾出門了，坐18號去大角咀，我準時12:00到大角咀麥當勞，但呢兩位阿SIR，竟然遲到…你地為人師表，怎能如此，焯賢12:15先到，我地一齊上左Dranell屋企，飲左佢親手調較o既咖啡，我真係唔鐘意飲咖啡，不過呢杯野咖啡味淡，有d奶味(我鐘意飲奶)，所以都叫ok!

   

焯賢話經過七記時，發覺冇開門，我地改食金嘉樂，飯後一齊行出太子地鐵站A出口，會合大家。

   

 今日我地1行10 人book左jolly thinker café玩board game，由2點玩到7點。

   

好彩café有人住場教我地玩game，首先玩citadel，呢個game係可以9個人玩，然後鬥快起8座城巿，之後就統計城巿卡上o既得分。

 

   跟住玩傾生意遊戲，呢個game要講求談判技巧，同埋分生意o既條件吸唔吸引，我同Frank一組，佢用o既策略係唔理咩生意乜都傾，小本維生，係佢4:15早走前，已經幫我save左一筆錢了，得番我一個傾生意時，扮一個弱者去傾生意，結果憑最後果盤我自己一個人完成2千萬生意，最後以62,000,000成了大贏家。

 

    之後玩古惑仔，分日本同美國兩類人，我、Dranell、焯賢一組係日本人，我地用刀殺人好麻煩，因只能殺身邊左右兩人，即使殺到，都要再用飛標去擲人地個人物牌，擲中人地才會扣一下生命值。美國隊用槍就好好多了。一殺即死。最後我地個隊當然輸。

   

接著玩背叛者，分正派小矮人同邪派小矮人，正派小矮人要快d去掘金，然後分金，邪派小矮人要阻止正派小矮人去掘金，呢個game好玩在夠簡單，最後我同蘇蘇一樣有6塊金而win。

 

   玩到6:45，冇再玩新game，準備離去，呢個時候，Kelvin同焯賢玩圍棋，都吸引到其他客人來觀看，此終圍棋唔多人玩，所以對於其它人來說，是種陌生的遊戲。

   

 跟住去食飯，本來都上了一間酒樓，但係電梯到，小保突然提議唱k，超個提議超好，因為我想唱k好耐了，跟住我地就去了唱k，我、焯賢、Amy、蘇蘇、小保、阿恆、Kelvin一齊去k，唱到12:30先走，如果唔係明天要返工，好想繼續唱呢!因為太耐太耐冇唱了。

   

之後跟小保坐電單車回家，好彩今日出門口時選擇左著牛仔褲，跟住點幾時，小保打來問我坐唔坐電單車，我當然話坐啦!否則我有miss左一次坐電單車o既機會。