24h購物| | PChome| 登入
2005-07-01 18:09:49| 人氣201| 回應0 | 上一篇 | 下一篇

咁就一年

推薦 0 收藏 0 轉貼0 訂閱站台

26-12-04(日)早上崇拜，跟住同團友去女人旺食西門町，雯雯打電話來問我地睇唔睇功夫，之後佢地幫我地買埋飛，食完野我同phoebe去了行朗豪坊，跟住我地坐巴士去黃埔，今次看戲的還有昇仔、寶文、念念的同學tony等…

功夫對於我來說是一般，最好笑就係星爺用小雲腳跑,步，看戲後，同phoebe去了冒險樂園玩，撞到小佩(九龍城同事)同康康，之後dinner我地去了食元氣。

27-12-04(一)早在25號那天，同阿霖曾講過今天BBQ，但一直收不到佢地電話，我以為佢地冇了回事，後來差不多２點幾左右收到電話，2:45pm坐Alex車出發去城門水塘BBQ，今日佢地係用阿B(阿霖二家姐)架車，今次BBQ的有我、阿霖、Alex、阿霖的媽媽同埋阿恩(阿霖的大家姐)，而前都來過城門水塘BBQ，但要係荃灣坐小巴上來，而家有坐私家車可以上到來，方便得多了。

去到城門水塘，果度d爐都好full，我地架車開到好入，而我同阿恩行了上一條有樓梯的山路，就見到有爐，後來阿霖的媽媽找到一個在平路上位置更佳，而風景又好的爐，我們就在那裏BBQ了，當天開始黑了，我們就準備收拾回程，我地車了阿恩去尖沙咀阿B那裏剪髮，跟住我就跟了佢地回家，上了她屋企坐，之後佢地再車番我番屋企。

有車真係好方便。

28-12-04(二)放工後，行了去黃埔剪髮

29-12-04(三)同惜利、Phoebe、阿魚一齊係陶大食飯，之後被Phoebe拉埋我上的士，要我一齊送惜利回家 一.一(其實我想早d回家休息下架!) ，不過算啦! 送完惜利回家後，Phoebe自己坐車走，我就同阿魚一齊撘巴士去紅磡，估唔到同阿魚都幾好傾。

30-12-04(四)去黃埔打算補剪頭髮，因為左右好似唔係好對齊，但髮形師放了假，唯有下次再來。

31-12-04(五)Lunch打俾雯雯，佢叫我返年更崇拜，其實我係一半一半想返，我就話俾佢知，本來舊年洗禮後，想上台分享，同埋幫埋judy讀分享，但舊年冇做到，如果雯雯能幫我係judy的日記print番佢那篇分享信，我就會返的，結果當然係佢幫我print了，所以我會返的。

今日係一個舊同事艷艷結婚，下午時，我幫細曾、大王、小佩同阿銀set 頭，跟住放工我就頂延展那間，之後去了黃埔補剪頭髮，跟住回家，晚上返了教會的年更崇拜，並是第一次在年更崇拜上台分享(幫judy讀出一年前的分享信)，崇拜後，一大班人去了食糖水，跟住同mandy、偉仔、heath、細佬行了一陣旺角(送佢地去先逹那邊撘車)，然後回家。

咁就一年。

我要檢舉
台長： 車人

您可能對以下文章有興趣

人氣(201) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文