車天車地 一個有好多回憶既地方!!!

106愛的鼓勵 0訂閱站台

21-1-08(一)本來琴日約左少敏今日食飯，但今日一直call佢都搵唔到佢，所以放工就坐了6:10巴士返愛民，行左陣愛民，諗住買d野回家食，少敏先打俾我，原來佢一直都唔知佢o既電話有問題，因佢今日轉了新台，舊卡繼續用得，但佢又未轉新卡，所以打親俾佢，都飛了去pccw o既留意信箱。

跟住同少敏去了佐敦o既金嘉利食晚，呢間o既常餐以前好抵架!$25有一個豬扒公仔麵、西多士、香腸同蛋，加一杯熱飲，但而家都加到$29，呢期物價上漲，都冇乜心機去買零食。因為接受到佢地加了價貴了咁多。

少敏舊年去了7個月澳洲，而家就返來搵工，我何時可以放7個月假去玩呢?除非係確保到去完7個月旅行返來後繼續用工做，否則我都會玩得唔盡慶，會擔心冇工做or發左達唔憂做，如果唔係點可以盡慶出國玩7個月。

食完野8點幾，去了行恆豐，9:30走了，撞得正Mrs field o既曲奇買一送一(連曲奇都由9蚊加到10蚊)，本來唔係好捨得買，咁又好想食，所以都買了三塊送三塊。

22-1-08(二)放6:00繼續留園到7點幾，因為simon未整完d電腦(裝防毒軟件)。佢今個星期last week，但今晚未整好d電腦，所以佢話明天早上早d o黎再整過。坐7:30車回家，本想同阿媽出街食，但阿玲又話要搵阿媽食飯，所以我返了屋企，又阿媽買番野俾我食。

23-1-08(三)2:45離開學校，去油麻地睇濕疹覆診。4：10已睇完醫生，攞埋藥，我book了5:15做facial，見未夠鐘，就周圍行下，睇下有冇d平o既下午茶，但其實我又唔肚餓，咁樣迫自己食野，好似唔係咁好，最後去了麥當勞到坐下，睇下圍棋書，但好眼訓，跟住就坐係到恰下醒下…恰下醒下…差不多4:50就上去beauty forever做facial，佢地而家裝修緊，多了個化娤間同停儲物櫃。

做到6:30，跟住坐地鐵過灣仔，買了麥當勞，一路行一路食，7:30去到apa，今晚同阿鵬、kanas、家媛、edmund、Vicky chan、Phoebe一齊睇詹瑞文o既舞台劇「萬千師奶賀台慶」，呢次舞台劇比起萬世k王好睇，有好多好笑gag位，同埋好有意思，如c9台、mission、扮港姐講心聲等。

每一個section也有一個主題，當然是圍著TVB來打，大致都是諷刺TVB在40年來不是不斷進步，相反是停濟不前。

最後一幕，我也欣賞有一幕他在白板上寫了TVB三個英文字，他問"TV"是什麼，我們當然是說Television，但他說Transvestism。哈！他巧妙地諷刺自己男扮女師奶裝！之後又問"B"是什麼？有看場刊的人便知是Boring. 他之後指著自己雙唇，再三發問這個是什麼？原來他想說每人都有"pair唇" 「Passion」，要救香港電視就要有Passion同埋佢係自己嘴唇前meat，係講要有「Mission」！希望電視台將引進更多高質素的節目，令慣性收視改變。

有d劇目o既舞台燈光較暗，我亦都訓著埋，因為實在太眼訓了，結果我同家媛都一齊係到訓。睇到10:45左右。

跟住行番去香港堂o既後一條街坐109返屋企。