車天車地 一個有好多回憶既地方!!!

106愛的鼓勵 0訂閱站台

19-1-08(六)返9放1，放工即刻返教會，因琴晚11點幾先睇到Rico e-mai叫teenzonel今日12:30返去，我都差不多成2點先返到去，原來今日已經係返去做組長，我完全冇呢個心理準備，咁快就開始做teenzone o既組長，我一直都以為係8,9月先開始，冇諗過年頭就開始做了，…希望快d適應到啦!

我o既組員係Ceci同Helen，咁呢個組員我本身都知係邊個，咁佢地都算大過，一個今年中五、一個剛考完中五。同佢地o既距離都唔算話差得太多(比起初中同小學o黎講)。

今日玩下活動，互相認識下、傾下計同祈下禱，今日Helen冇o黎，那唯有遲d先再認識下佢地啦!

Teenzone去到5點幾，跟住我就撘地鐵落了尖沙咀，攞部canon相機去整，雖然我未搵到張相機單，就攞住佢剛寄給我的保養續約單去睇下佢肯唔肯幫我整。咁canon d員工都好好人都肯幫我整，係叫我下次寄得帶保養卡或單(返屋企發覺其實保養卡我係有帶的，那張卡只是寫佢唔係保養卡，叫我上網登記保養卡，但其實呢張卡就係有曬我呢部機o既資料，我只要上網登記後，呢張都應該係保養卡)

客戶服務員姐姐幫我除曬我部相機o既card、電同繩時，話我條相機繩好靚，好似bv，但後來見到有canon個牌先知係自己公司出。冇錯呀!呢條電話繩咪就係Phoebe俾我的，佢自己都有一條啡色。我起初見佢個條繩時，我都以為係bv，但後來先知原來係canon自己出。

之後去了sogo o既Lancome攞番張簽張影印本(上次買野後唔見左，冇左呢張單就抽唔到獎，呢期真係大頭蝦，上個月係Origins買完野後就係個sales冇俾張單我，搞到自己要返去攞番，今次就係自己大意)，然後去了亞士厘道修甲，呢間分店係新開的，以前我同phoebe係去銅鑼灣總統到修。

之後返屋企同阿媽食大快活，跟住同阿媽行下惠康、萬寧，晚上無線做新戲華麗一族，呢套戲都ok wor!呢期都好少追電視劇，今年唔駛讀書，反而係屋企時間中少左，睇電視又少左tim。

20-1-08(日)太懶了，冇返到崇拜，跟住11點半起身，12點幾返教會，食完自助餐，下午就去真光參加教會o既退修營，成個教會o既退修營都係第一次參加，大家一齊跳下讚美操，我、家媛、Mandy、寶民、梁生同Chris、萍姐一齊係台上試範，其他人就係台下一齊跳，大家都跳得好熱鬧、好開心、好好笑!

5:00完活動後，5:30我同偉仔、Mandy係教會行九龍城，我地o既速度實在太慢，竟然行了差不多成個鐘，唔緊要啦!平時都行得太快了，安息日唔應該咁趕o既，慢慢行，享受下啦!行到去九龍醫院對面，我見到羅蘭，好難得俾我見到明星，而偉仔同Mnady睇唔到(是關我一向都睇唔到的，次次都係明星行過後，d人先話我知。)

會合埋Phoebe一齊食泰國野，之後去金滿堂食糖水，10點幾坐17號巴士返屋企了。

諗住睇番紅訓o既聖經，然後訓覺時，突然聽到電視機傳來一首我搵左好耐，但又唔知佢叫咩名o既歌，我只知係林憶連唱，於是即刻出廰去聽呢首歌，我留意到歌詞take my breath away，我諗呢首歌一定係呢個名，跟住即刻download落o黎聽，好開心呀!終於搵到呢首歌了，同埋我想知埋佢中文o既歌名，我知而家做緊呢套戲係旺角卡門，只要我到套戲做完，睇片尾就會仂佢o既中文歌曲名，但我又驚眼訓，於是叫我阿哥幫我睇。