車天車地 一個有好多回憶既地方!!!

106愛的鼓勵 0訂閱站台

1-6-08(日)10:00起身，唔係好夠瞓，崇拜成點完，行去旺角中心Neway搵少敏唱k，冇我想唱個首(梁雨恩 - 地下鐵)，新歌唔係好識，所以唱舊歌，唱到3點就去行始創、係始創見到悔小惠，佢叫我地捐錢，於是行了去義賣攤位，買左個畫板俾仔玩，跟住行聯合，行到4:45，坐巴士過銅鑼灣，跟住5:45已會合阿king，我地行陣sogo超巿，跟住等埋Wendy同Dranell一齊行上南華會。

今堂不斷練行前和退後。

食飯同埋另外兩個同學仔Kirsta同做形象顧問o既慕絃一齊去清亭燕萍食飯。我地重約埋6月15日去慕絃o既屋企聽下course，學下護膚同玩下。跟住一齊係九龍城食飯。

2-6-08(一))Lunch落了吉之島買d籃o黎裝自製教具，但買回來d A4 size o既o黎，有12個太大唔啱位，結果要再落去換過。其後發覺d籃o既外邊有d突出來o既尖角膠，我都機乎被界刂到，但為了小朋友o既安全，我自己用界刂刀去割那條膠，結果唔小心批左落去左手拇指，d血不斷流，係止血o既過程中，感覺到d血不斷流出來，有d痛。

放5:00，留係執課室執到到6:00先走，坐6x出尖沙咀，同Edmund一起去Gucci睇袋，最後Edmund買了一個原色加白邊o既袋送俾佢媽媽(點解咁多人都唔誤會左係我買袋，我要澄清，那個人不是我呀!)，臨走時，sales姐姐重送埋我地出門口，名店即係名店wor，咁好招呼，可能因為當時冇乜客。Edmund話佢上次了成萬幾蚊o既電腦都冇人送佢，hahaha! 呢個sales雖然有禮，不過包禮物就麻麻，佢條絲帶係我地行街途中時，已走位了，似乎係美心包蛋糕o既姐姐比你叻wor!

跟住我地去食pizza hut o既扭扭批，yummy yummy，我同佢係星期六時都已經想食了，不過大家都係坐在係元氣到先講呢樣野，而家還在我心願了。今期用東亞卡可以半價食一個set，我有好多卡，但偏偏係冇呢張lor。

跟住行去嘉連威老道睇耳環，因Edmund決定不穿耳，改用磁石耳環，不過呢種耳環已好少見了，我對上那對也是在中學時代買的。

行行下就開始落雨，我地去了美麗華廣場o既Starbucks飲下野，佢同阿Lay本來約了明天行山，但而家落雨，明天都好難行到山了，於是打電話搵佢改期，佢同我都搵唔到阿Lay，Edmund先醒起阿Lay上緊堂。

10左右離開，因Edmund唔想咁早返屋企，所以佢送埋我返屋企，離開商場時冇落雨，我地行返愛民，途中阿Lay打電話俾我先都唔打俾Edmund，明明係Edmund搵佢先，佢都唔覆人，點解呢!因為佢想同我夾口供lor! (靚仔A呢句擺明陷你於不義，Hahaha!)