車天車地 一個有好多回憶既地方!!!

106愛的鼓勵 0訂閱站台

 12-12-09(六)Day off有了上次坐車去赤柱要成個幾鐘的經驗，今次不坐113過灣仔轉巴士，而改為去佐敦坐地鐵過金鐘，再轉巴士。

 

    上次去唔成蒲台島，今次再入番，我去到麥當勞時，阿清同阿熙已經到左了，跟住坐1:20船去蒲台島了，對上一次去蒲台島係92年o既啫假，轉眼已經17年了。

 

 

    係船上d風吹埋來都幾凍，好彩有條頸巾擋擋，大概45min船程就到了。

 

 

 

 

 

 

 

    係去睇石的路途，有幾棵一條條的植物，阿熙係左埋去相，我周番d角度來影相，跟住佢好似頭上生毛咁，好好笑!

 

 

    跟住去左睇石刻，影下d手掌咁，可惜要趕住坐番4點的船出赤柱，未行完就走了。

 

 

 

 

  我同阿清係度等船時，阿熙再周圍行下影相，佢影左張仙人魚好得意!(仙人掌下的咸魚)

 

 

阿熙都幾識攞post影相，當佢幫我地攞住袋時同我地影相後，我再影番佢攞咁多野o既情境，佢竟然可以扮到好似shopping咁，又係好好笑!

 

 

    係赤柱由碼頭行去巴士站途中，竟然見到一架黃色電單車，睇真d佢咪就係拍下我屋企樓下個架，點解我會咁應得佢?一來佢係黃色咁搶眼，二來架車無端端貼d ferrari貼紙係到，跟住我問個阿聲，佢知話我知出黃色電單車o既牌子不多，而呢架車係一個台灣牌子。同呢架車真係有緣，連去到赤柱都可以撞番佢。

 

 

    出番筲箕灣後，去左一間野食牛腩河，佢d牛腩好靚，每件大小一樣排到好似燒肉咁，真係第一次食咁好味o既牛腩。

 

    然後同阿熙一齊坐小巴過番紅磡，佢行去漁人碼頭參加黨o既飯局，我就可以係黃埔坐免費巴士回家了。

 

   11點幾，Elise、Dennis同埋佢d朋友來我個道，跟住車埋我一齊落紅磡碼頭，我地係去海逸豪園個邊盪鞦韆。Elise今日只取得亞軍，心情不太好，所以大家都陪下佢。