車天車地 一個有好多回憶既地方!!!

106愛的鼓勵 0訂閱站台

11-1-08(五)Lunch時，load唔到server攞文件，有半個鐘頭做唔到野，得後來發現係個server個火牛個制nut左，玩咩呀?點解火牛個制會nut，大家都懷疑係人為(老細係最大機會)，會否有人唔識熄個sever，而就去「蚊」火牛。

放工時，收到阿姨電話話婆婆發燒44度，醫生話救唔到，大約有7日命，有d醫護人員就話得2日到，我都諗緊好唔好即刻去，婆婆幾時走冇人知，當然能陪到她走就最好。最後都照去上堂，萬一有事先飛車去見婆婆，而之後o既weekend，我都可以去搵佢。

晚上上門訓，收到Tracy電話，邀請我做姊妹，其實Phoebe同我講星期六團契會有一件surprise o既事發生，我第一件都已經係估佢同阿勝結婚，不過估唔到個結婚日期係咁快啫!落堂後，Phoebe叫大家食野，我都冇了去，呢輪都好間中好夜先食飯，費事肥，況且上堂前我都食左野，所以無謂食了，早d回家休息下。

12-1-08(六)發夢見到Travian條村被人攻佔左，玩左半年o既game，就咁無左，係有小小唔開心，不過都可以係一件好事，呢個game完結左，就唔駛再sign時間繼續玩落去了，起身後先知原來係發夢，返9放1。

放工坐107去香港仔，坐左半個鐘到，今次到算快，冇咩塞車，由於太眼訓，我都係車到訓著左，之後再轉小巴入大口環，3:00去到療養院，同婆婆祈禱，發覺佢d皮膚都好差，可能少郁動，同埋個人都比之前弱了，只希望佢走得唔好太辛苦。3:45離開，坐小巴出西環，再轉小巴出旺角，4:10落車，先上棋社攞番個上壺同埋Dranell借給我的書「中的精神」。

跟住再係4:30前行返教會，因牧師約左會參與Tteenzone o既弟兄姊妹傾下計，我同誠誠都準時到，但朱仔、靖心同Rico最後成5點幾先上來，有冇搞錯呀!遲到，早知我都返下團契先啦!原來係teenzone，我只係做組長，帶下d小朋友，同佢地參與活動，d programe就唔駛我諗，咁都好wor，我prefer帶組建立關係多過去策劃活動，傾到6點幾後，落團契。

跟住同Phoebe、Vicky’s、寶文、雯雯、浩堅、萍姐、力so一齊去食潮樓。

飯後同Phoebe去行家樂。行完家樂冇收穫，再行去新之城，途中撞到阿何，我真係發雞盲，佢揮極手我都睇唔到，直到揮手到我面前先見到，Phoebe先覺得奇怪，有個唔識o既人同佢揮手。其實我一向都行街都睇唔到人，所以好多明星經過後，我都friend先話我知，我就乜都睇唔到。

跟住差唔多12點先先返屋企。

13-1-08(日)10:00聯合崇拜，返教會嗚鐘，11點左右收到貞姨電話，醫護人員說婆婆會係下午或今晚走了。崇拜後，我冇同Tteenzone o既弟兄姊妹去食飯，拿拿淋同提團o既人去新森林到食左飯先，跟住去坐971，係基督教墓場落車，再行斜路落大口環(我成日都覺得呢個地方名好搞笑，同呢到個環境完全唔襯，是關呢到o既環境好靚)

2點幾去到，珊珊同表弟都係到，珊珊同表弟走後，老樂同老趙都差唔多6點先來到。

我就係病房門口等，由3點幾打機打到9點幾，真係好彩有攞到部NDS出來消磨時間，如果唔係悶死，不過打機O既代價係條頸膊超緊。

之後同阿媽、鸞姨去田灣珍姐到食飯。我感到自己開始發熱，有D唔舒服，一陣返屋企，要早D訓先得。最後都搞到成1點訓。

14-1-08(一)訓左7個鐘都有點累，我係課室部電腦放左我班小朋友做體操既其中一張相，昕諾話似旋轉木馬o既頂，o衣..又係wor，果然好想像力。

6:00就o黎收工，猶豫好唔好去做GYM，一來冇帶中去睇、二來冇帶earhone，連電視都睇唔到，咁一係去6:40上單車班，但ICY又差唔多成6:45先走，所以最後唔去做Gym，諗住買麥當勞返屋企做晚餐，是關我功想食shake shake薯條，跟住阿蒙又同我一齊去食，因為同阿夢做左同事，但大家可以傾計o既時間反而少左，咁冇去做GYM，而同阿蒙去食野好值得。

本想去坐7:30o既車返屋企，但我竟然係最後一個上唔到車o既乘客，oh…於是去了百佳幫家媛買左支清潔濟，然後再去坐8:00車回家，8:30到媽媽也回家了，佢話我知婆婆己走了。希望我o既屋企人冇事就好了。

聖經所講：凡事都有定期，天下萬務都有定時。生有時，死有時... (傳道書3:1-2)