車天車地 一個有好多回憶既地方!!!

106愛的鼓勵 0訂閱站台

8-1-07(二) 7:30起身，返快8:30放5:30，放工時，同阿Lo同阿何一齊食米線外賣，食到好飽，不能即時去做gym，所以去了行街睇衫，跟住Dranell打o黎問我去唔去捉棋，因為根哥今晚會上去，哎呀!其實我都想去捉棋，但呢幾日先同自己講唔好咁沈迷捉棋，所以晨早離開電腦，以免自己去捉棋。但係如果根哥去到棋社冇人捉棋都會好慘架!所以明天先做gym，今晚去捉棋。

7:30先上到棋社，同根哥捉了兩鋪棋，一勝一負，跟住Dranell就教我地點打入角，呢個技巧真係好緊要，我唔識行，成日都會捉到死左。

之後同Dranell去食飯，我地又試漫無目的係度行，諗緊去邊到食，最後行到去始創對面o既pasris café，呢間野超唔掂，從未試過飲過一杯咁難飲o既尖麻奶茶>.<

9-1-08(三)今日返工同阿蒙講，佢o黎左一齊做野，反而重少左講野(少左傾電話)，因為其實大家都會日日見，所以冇打算傾電話，只是佢班N1細仔，lunch時佢好難行出課室，而我又野做，又少會行過去搵佢，所以大家O既溝通機會反而少左。

我同佢一齊放5:30，我去左佢課室搵佢傾計，一齊研究下畫展要交o既小朋友作品，真係勁少可，我放工後重留係學校，6:05跟住同阿蒙一齊走，陪佢係蔡蘭門口等5D，6點幾就去做gym了。

琴晚食飯差唔多成12點，再行番屋企，梳洗後同睇埋野蠻奶奶o既錄影帶，都搞到成2點幾先訓，所以今日個人都好累，唔敢做太劇烈o既運動。跟住坐8:00車回家，做圍棋功課同打日記。

10-1-08(四)行路返工，係屋企樓下時發現自己冇帶電話，心諗:「冇帶都唔緊要啦!反正今晚都只係去學捉棋啫!」但突破醒起今晚捉棋前約左人交收迪士尼飛，死了!一定要返屋企攞電話，於是放工5:30先坐5:50o既車回家，禁啱阿爸有攞左d西餅返o黎，可以食飽飽先返學，
約左人6:45係家樂商場交收，真係好!張迪士尼飛最後能以$250賣出，雖然其後有人出價$280買，不過我都決定要遵守誠諾，雖然賺少左，但我一d都唔覺得有損失，反正本身張飛都係唔駛錢，用信用卡換的。

今日多了兩個新同學仔阿偉同阿東，決定都幾勁，不過最勁o既莫過於用$5000買了一張圍棋枱，d棋係雙面浮，真係好想睇下$5000o既圍棋連枱夠竟有幾靚?

同Dranell、根哥、阿偉、同阿東一齊食炳記牛牛，原來根哥係渣消防車，佢話救火唔難，難o既反而係一d可能斷手斷腳個d case，佢最難忘o既事係係西環到執勤時，為一個跳樓o既人執番個腦漿，wa…之後幾日，那個人o既太太也在同一個位置跳樓。