車天車地 一個有好多回憶既地方!!!

106愛的鼓勵 0訂閱站台

 

 

15-11-08(六)5:45突然醒左，跟住又失眠瞓唔返，係張床到輾轉反側成個鐘都瞓唔返，索性起身了，跟住睇番琴晚個套珠光寶氣，再沖埋涼就返工了。

 

    9:00返到學校，同阿何係到吹下水，之後我再去番自己counter黏埋張枱o既字就完成佈置了，其實d字本來琴晚就可以黏埋，但當我想黏時，就發覺預先已整好o既字唔見左，但琴晚又趕住返學，所以最好只係print番d字出來，專登留番今日先貼，反正我都預左今朝早上係好hea的，冇乜野要做。

 

   10:00小朋友陸續返o黎，要去睇仔了。要表演o既小朋友一直留係我課室，直到要表演，到我班仔表演時，大致都ok，冇乜大問題，15週年暨家長教師會成立典禮完成後，open day 就開始了。

 

    好彩我個攤位有芊芊媽媽幫手，其後以前跟我o既實習生同焯賢都有來幫我個攤位做義工，咁我就唔駛咁吃力，同埋攞番d時間去同家長social。重有大忙人Dranell師父都有來探我，真係多謝曬你地!

 

    Open day3:30完左，再執埋d野，差不多5點走，跟住同焯賢去了打機，然後再落番旺角搵埋Frank、Dranell同王子一齊食飯，我地去左雅蘭中心o既常悅素食食素食，清清淡淡，都幾好味!

 

    跟住我地又去打機，估唔到王子係個打機高手，玩打鼓機都冇問題，西利，我地玩估問題o既遊戲機時，其中有條問題好搞笑，因為個答案就係唔知道。

 

    打到11點幾時本來會走了，但大家又係地鐵站門外到圍圈企，跟住又收到小鈺短訊，佢話出緊o黎旺角，好彩大家未散啫，如果唔知係都唔知點算，跟住我、焯賢、Dranell、小鈺四個又去左金雞果間café到繼續飲野同玩大富翁。

 

    2:00leave，坐車返屋企，沖埋涼成3點幾先瞓，今日真係好開心，因為終於挨完open day了，又突然又好多義工幫來我手，所以開心到瞓唔著呢!