車天車地 一個有好多回憶既地方!!!

106愛的鼓勵 0訂閱站台

24-1-08(四)放6:00，晚上學圍棋，未上堂前同深明o既一個學生捉棋，呢期開始明到圍棋其實係交換地，佢攻左入我o既基地，相反我就取了外勢，攻了中間地。咁樣交換地都有著數，因為中間地大，所以win了。

咁sir話我琴晚send俾佢o既棋譜係一盤好棋，因為佢睇我頭個九部棋，行到好似一段咁，咁就証明我睇佢借俾果本講佈局o既書好有用。

上完堂，同Frank捉棋，同埋試下點行d角位，跟住就同Dranell食飯，今晚去上樓，上樓o既宵夜只是餐牌某d餸有7折，咁又唔夠潮樓抵wor。

25-1-08(五)今朝食早餐時，我企係阿宜隔o黎食野，佢同我講：「吳老師企係monkey隔o黎食野。」你個阿宜，真係俾你笑死。

上門訓，今晚難得地10點幾上完堂，10:45就可以回家了，媽媽一直都想我今晚早返，因為係婆婆回魂，又好彩今堂早落堂，可以早d返屋企。

26-1-08(六)早上出組，終於都打曬d小朋友o既評估，咁樣o黎緊呢個禮拜就要趕做下學期o既教學大綱同打定d教案，其實只要自己肯攞d野返屋企做，我一早就做曬啦!只不過自己唔想放工再做學校野啫。

放1:00，2點返到teenzone，今曰玩遊戲，其中玩真人photo hunter都幾好玩，同埋今日我個組終於都齊人了，也認識埋Helen。

5:00完左teenzone，跟住去了行家樂商場，係Phoebe好鐘意買野o既鋪頭買了件外套，我亦都同個sales玩到熟左，都幾開心。之後等Phoebe o黎齊一齊食板前，只係等左幾個字就有位，都算快了。飯後又同Phoebe去呢間鋪頭睇多次，跟住培Phoebe去朗豪坊朗買水果(明天團契團年飯，會打邊爐，佢會整cheese cake)，原來朗豪坊開了間supermarket，真係唔去過都唔知。

27-1-08(日)早左返午堂崇拜，因阿Joe叫我替佢做招待，點知原來佢都唔係今日o既招待，咁就早d入去聖堂預備下啦!邦邦同阿坤都返左o黎香港，邦邦重帶左個新朋友Michael返o黎。lunch去易牙妙手，同Phoebe、鵬嫂，阿坤、師妹，邦邦同Michael一齊食。

食完飯2點幾，我返了屋企，聽下歌打下日記，5點鐘就訓覺，訓到6:10起身，就準備返教會，今晚團契打邊爐，非常多人，有我、Phoebe、mandy、偉仔、媚媚、阿牛、家媛、edmund、阿lay、chris、elise、winnie、rico、vicky chan、vicky ma、dennis、阿鵬、鵬嫂、寶文、邦邦、Michael、雯雯、浩堅、hazel、念念、阿勝、tracy、heath、amy、誠誠、神學生、萍姐、牧師、師母，同佢4個仔女、總共37人，應該冇數少掛，如果有請話我知。

37人打邊爐，我都係第一次咁多人一齊打邊爐，每人都只係$50。

打到差不多9點，就收拾，我同念念、dennis搬d爐去廚房洗時，就見到edmund同阿lay已經係到洗緊碗，edmund今日真係好勤力，由頭洗碗洗到落尾，到雯雯、浩堅落到o黎廚房時，我地都一齊讚你，我重話要歌頌佢，跟住佢地話係死左o既人先叫歌頌，呵呵呵!我同雯雯一諗起上次去BBQ時，你同阿牛洗食物唔乾淨(只係將D食物放入膠袋，入左水係到搖就算)搞到雯雯肚痛，。同今次相比下的確不同。跟住每逢有人入o黎廚房，我地都一齊讚edmund，重定今晚msn一定要表揚edmund。

執埋野，差不多十點走了。

Ps：係msn讚edmund讚得最搞笑既係浩堅：edmund好勁呀，似番個人!