好玩之必要 生活很平淡，好玩就好。 設部落格，寫作，旅行，畫圖，練書法等等，都是出於好玩。 好玩就玩，不好玩就不玩。 隨緣。

332愛的鼓勵 12訂閱站台

 

「恁知影今仔日是啥物日無？」

「啥日？昨昏是婦女節，今仔日三月初九，是婦女節的第二日。」

「我是講舊曆。」

舊曆正月十五元宵過去矣，二月初二土地公生嘛過去矣。

「今仔日是舊曆的二月十二。」

二月十二是啥節日？

「是林黛玉的生日，也是花朝節，花神的生日。曹雪芹共伊的生日安排佇這日有特別的用意；表示林黛玉佇大觀園內底上媠（最美），是百花的精魂；閣有愛天地之間所有的媠的詩人天性。」

愛《紅樓夢》愛甲敢若家己是彼本冊內底的人，莫怪伊講學生囡仔看伊佇台仔頂做表情、行台步，講甲足歡喜的時，攏用一款奇怪的眼光看伊，意思是，「你是咧high啥？」

2017.4.2《中華日報》副刋