攑頭，規片樹椏閘咧，予日頭無遐直接．微微仔个春風，不止仔四是．葉仔本底有青有黃，光一照，青个葉 tńg 深个深甲青錦錦，tńg 淺个淺甲青piàng-piàng．黃个葉有个親像愛玉甘蜜，有个敢若大理石仔推過．
色澤變化，想卜用畫筆掠伊个神，按怎攏感覺無法．
即逝路，我雖然行過幾若百幾若千擺，毋捌感受即款．
一時，上帝佮我親近，伊點醒我，就算我頭殼外巧，手路外幼，有个代誌超出咱儂个底代．
物件若是仿个，永遠無可能勝過真个，因為汝畫佇紙頂，上帝是畫佇空中，汝个色雖然幾若種相摻，上帝只要一道光．
文章定位：
