車天車地 一個有好多回憶既地方!!!

106愛的鼓勵 0訂閱站台

1-11-08(六)琴晚三點幾瞓，跟住d濕疹又搞到我痕醒左，7點幾起左身，成個鐘都瞓唔返，結果就索性起身做下野了。

 

    本身約左棋友10:45係sogo門口等，結果焯賢、dranell同小鈺都遲到(呢幾位阿sir都真係唔係好掂，經常性遲到)，係得蘇蘇一個準時，不過佢去錯坐地方係時代廣場到等我地。最後去左銅鑼灣廣場o既newway唱K，點半時，Amy放左工都o黎埋一齊唱，之後坐電車去敏軒捉棋。

 

    今日捉五盤， win 3 loss 2，同師公捉棋時，Dranell同我地講左幾次同師公捉棋要尊重d，我第一刻聽覺得好奇怪，我地做左d咩係唔尊重對手? 跟住佢話我地唔係禮貌上唔尊重對手，而係冇諗棋，但事實我係有諗棋，但從佢眼中，佢覺得我冇，所以咁話我，我覺得好委屈lor，佢用左佢o既諗法去判斷左我捉棋o既認真程度，你話得我啱，我唔會反駁，但事實唔係。而我同人對對局中，你講呢你o既學生唔尊重對手，對方會點諗? 更何況佢用主觀性質去測量我。

 

我個刻好唔開心lor，已想哭了，我都忍得好辛苦。後來阿恆教我同佢d學生行棋時，我先至平伏番d情緒。Dranell知我嬲架!後來都有傾番呢個問題，最後佢都有覺得佢自己過份左，咁我地都係d好易話為o既人，傾得番計就冇事架啦!