車天車地 一個有好多回憶既地方!!!

106愛的鼓勵 0訂閱站台

30-10-08(四)調班8:00返早，放4:00，去佐敦再轉地鐵去荔枝角，搵阿王，因佢朋友幫果間公司設計飾物，而咁啱現在又有開倉(開倉牌子有Cei、Opa、Kilara)，所以我地去買野。

 

我同阿王由5點睇到成7點幾先走，本身6點機已一早走得了，但阿王同佢D朋友又想再搵D職員再減下價，所以一直等，但等到7點幾都未等到那個人減價，佢話佢忙，所以我地走了，留待職員減完價，先再來取貨。

    坐地鐵山番佐敦，搵Mandy、偉仔食飯，今日區氏婦夫設宴款待我，真係多謝曬，今餐由區太大顯身手，餸菜有煎香腸、雞翼(雞係我致愛，所以Mandy專登整俾我食)、炒豆角、煲冬瓜、同番茄炒蛋(呢碟我有份炒架!)，

 

    飯後重有haagen-dazs朱古力味雪糕，正呀!

 

31-10-08(五)阿王話琴日個員工幫唔到手再將d衫減價，因為佢阿頭話邊個再減價就炒邊個，嘩!買件衫啫，唔駛咁大穫呀!其實佢阿頭之所以會咁講，係因為佢同阿王個朋友有牙齒印，所以唔鐘意個同事幫阿王減價。講真，佢地d員工咪個個都咁做，總之一句：「女人係唔得罪得!」

  

4:30時要選上網簡科，呢個真係一個好緊張o既活動lor，先到先得，萬一簡科時，電腦慢左，而簡唔到想讀個科就糟了，更糟的係要返入大埔上堂。好彩我最後都簡到想讀o既art，重要係巿區讀tim，yeah!

 

放工返學，又係電腦室上堂，我又可以一邊上網一邊聽書，good!

 

    放學去搵阿王攞番d衫，原來我買左成12件衫，都係$1160，真係好抵wor!不過阿王話d衫有d可能個價計多左，其實我都覺，因為我買d衫最貴都應該只係$120，況且有d衫只係$60、$80，加埋個價都接近$1200，好似貴左，不過唔緊要，反正個平均數都唔駛100就ok 啦!

 

    攞完衫就搵焯賢同Dranell食飯，今晚去樂華餐廳，我地只係叫左2個餐都夠食，睇o黎我地都好細食wor!

 

   今晚食到12:00就走了，因明天大家約左唱k，而早d回家養下精神先得!