車天車地 一個有好多回憶既地方!!!

106愛的鼓勵 0訂閱站台

30-9-07(日)返午堂崇拜，同阿joe、joe細佬、chris(已育有一女)、heath、vicky ma、阿b一齊去食扒王之王，席間chris都問了我有關報讀N1的事宜，能用我既專詳解答人o既問題，很開心呢!

跟住住同阿b返教會上八課，上到3點幾，然後我就坐212巴士返落紅磡，係彌敦道見到有人遊行，起初還以為是法輪力，原來係叫d人離開共產黨，呢個活動已經開始了幾人，我都係今日先知，我真係唔夠關心時事。

去半島豪庭o既妟會廳，因為我o既學生曾漢聶係到開佢5歲o既生日會，佢一家人重邀請左黃埔堂o既同工，莎莎等一同參加聚會，曾夢亭見到我代了妝，我大概4點左右先到，見到佢地o既power point有唱詩歌，咁都幾好wor，可以向其他家長散播下福音種子。連佢教會d小朋友家長都會問我有冇返教會，我話我返循道衞理聯合教會。

正昕媽咪叫我同正昕影相時，ICY咁啱行了過來，咁就一齊影啦!點知朱仔突然錫了ICY塊面一下，朱仔真係好搞笑，亦好童真，但ICY即時表現唔高興，唉….呀!我事後問番ICY問佢朱正昕可唔可以錫你，佢搖頭，我問我可唔可以，佢就點頭，咁我就即時錫下佢。ICY阿嫲同我講話佢係中秋節SET左頭，到星期四返學都唔肯拆，話要俾吳老師睇，但我只見到成個頭亂個鬼，立痴痴，痴鬼住曬，er……不過亦可看出ICY都好鐘意我。

今日同左昕諾媽媽、芷盈媽咪、浩鋒婆婆等傾下計，講下小朋友近況，我d同事唔鐘意去小朋友生日會就係唔想放左工都重要去social，但其實我又鐘意去，因為我想信生日o既小朋友同家長見到老師去，會開心架!因為得到人地重視，所以我會選擇去，同埋我去開一個o既生日會，自然其他o既小朋友都要去啦!

5點幾走時，漢聶同佢爸爸一齊送我出去撘車，跟住坐番212出佐敦，再坐去元朗小巴入深井，去了陳燕飛既新屋，只20min就入去了去了，但過左馬灣馬頭我都未叫落車，後來就係天橋後巴士站叫落車，再行番轉頭，上到去時，劉佩珊同游詩韻已經o黎左同打緊wii。

陳燕飛既新屋3房2廳，望到青馬大橋同海景，月租$7500，真係一個好舒適既地方。

等埋吳巧清o黎，我地就打邊爐，跟住就玩生命之旅，我都係第一次玩生命之旅，玩兩次都包尾，玩完呢個遊戲，又令我諗起究竟我應該問番份保險。我諗我應該離開了幾年前o既保險陰影，只係我信唔過人啫。同埋冇開事，冇咩大病，又好似攞唔起心肝去做。

玩到12點幾就走了，但了好幾架車都冇位。後來有車時，只得3個位，司機叫我地照上車，我就同劉佩珊、吳巧清三個人迫兩個位，真係好迫。