車天車地 一個有好多回憶既地方!!!

106愛的鼓勵 0訂閱站台

27-6-08(五) 3:45起身，只瞓得三個幾，好累，最慘係爸爸今日放假，如果唔係佢會車我入機場的，4:20出商場坐的士去漆咸道等N23機場巴士，4:25己去到巴士站了，但N23都要到4:35先係慈雲山開出，結果我係巴士站到等了半個鐘，到4:55分上到車。

等巴士時，有一架的士開過來，話50蚊可以車我地入機場，同埋唔收行理費，爸爸話唔好理佢，如果真係有2個人要入機場，又真係ok的。但我只有一個人入機場，同埋巴士都平2蚊，而且咁早入到去機場又冇野做，慢慢坐係巴士入去，可以係巴士到瞓下覺。

上到巴士超凍，d霧氣大到睇唔到出面，好彩放左件外套係袋到，可以即時有得著，如果放左落行理箱就大穫了。

5:50落車，雖然比原定5:30集合時間遲，但我去到時前面都只係後幾個人到左，跟住我同少敏去了burger king到食早餐。

6:45再集合briefing，跟住入禁區，行下diseyland同dutyfree睇香水，然後坐無人駕駛列車入81閘，沿途又行下agnis b，因少敏想買錶。我一直我都以為係8:10飛機起飛，7:35可以上機，我地行到7:40分，少敏先話係8:00飛機要起飛，於是我地拿拿聲行番去上機。

一上到機已經好累好累了，唔駛一陣瞓著了，到飛機起飛時我先醒一醒，跟住又瞓過，我懷疑我係巴士上未係好瞓得著，只是淺睡。

9:20食飛機餐，要起身了，起左身個日都好呆，一來未瞓醒，二來唔肚餓，但係咁易都食d啦!跟住我以為10點會落機，所以照瞓多陣，落機時係10:30，少敏話原來班機delay了到8:30先起飛，不怪得下機時間比原先遲。

一落機，第一站就係去食午餐，11點幾食午餐，撞鬼咩!邊有食野食得咁密架!

飯後，去西湖，十三年前已來過了，好鐘意西湖公園入面d孔雀可以自由行來行去，好想睇孔雀開瓶，最終只係見到其中一隻孔雀因為係到用個嘴擦身而開了少少瓶。為左影佢開瓶，都浪費了唔少相機電力。

上船遊湖那個位我都有d印象，今次到西湖同上次唔同o既係今日是下雨天，毛毛細雨，這正是江南氣候。導遊話晴西湖不及雨西湖、雨西湖不及夜西湖、夜西湖不及雪西湖。

坐船遊湖，四周d景大致一樣，湖開到一半時我已經瞓著左，落船後就去了西湖新天地，那裡只是一個公園，入面有好多coffee shop，由2:45-3:45自由活動，行左入去個新天地一圈就出來了，因為落緊雨，都冇心機影相。出公園後，過了對面街食叫花雞(即乞衣雞)，$38細細隻。(第四餐)

跟住5點幾又食晚飯(第五四餐)，然後去了行杭州名店街，7:00係東波大劇院睇表演，演出杭州的歷史如：岳飛、梁山伯祝英台(當中包括空中飛人，我地坐最前排，佢地就係正我地頭上表演。)、千手觀音等。

睇左一個鐘就完了，跟住返酒店，酒店都算係巿區，所以可以夜出宵夜。9:00到酒店，發現大堂有電腦可以上網，於是就去上網了，一開yahoo，只開到主頁，再click入去內頁就乜都開唔到，好彩我打到ebuddy o既網址，跟住就可以用IE開MSN，我見到我表妹online，就叫佢幫我call我阿媽，話佢知我已經平安到步了。玩左幾字，又有其他人等緊，於是我返房了。

跟住同少敏出了酒店外面食宵夜，關生父婦話我地知出酒店轉左再轉左有間鋪頭有野食，於是我地去食野，想食馬蘭頭(少敏同事介紹)，可惜買曬了，另外叫了碟$8鮮鯇魚生，但d醬料卻要$10，真係妹仔大過主人。(第六餐)
11點前回到酒店，跟住11點幾沖完涼洗埋頭，少敏都玩完電腦上來，我又好累，所以冇再落去玩電腦了，於是12點前上床瞓覺，明天8:00起身。

總結：今日真係成日瞓，上機瞓、上車瞓、上船瞓、返到酒店都係瞓。另外一日食左六餐，真係好恐怖，好驚肥呀!